ഇടുക്കി ജില്ലയില് രാത്രി 7 മുതല് രാവിലെ 6 വരെ മലയോര മേഖലകളിലേക്കുള്ള രാത്രി യാത്രയ്ക്ക് നിരോധനം
ഇടുക്കി: കനത്ത മഴ തുടരുന്ന സാഹചര്യത്തില് ഇടുക്കി ജില്ലയില് രാത്രി 7 മുതല് രാവിലെ 6 വരെ മലയോര മേഖലകളിലേക്കുള്ള രാത്രി യാത്രയ്ക്ക് നിരോധനം. ഖനന പ്രവര്ത്തനങ്ങള്ക്കും ട്രക്കിങ്ങിനും ജില്ലാ കളക്ടര് നിരോധനം ഏര്പ്പെടുത്തി.
സംസ്ഥാനത്ത് ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യത. 12 ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. കണ്ണൂര്, കാസര്കോട് ഒഴികെയുള്ള ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. നാളെയോടെ സംസ്ഥാനത്ത് അതി തീവ്രമഴക്ക് സാധ്യതയെന്നാണ് കാലാവസ്ഥ വകുപ്പിന്റെ പ്രവചനം.
അതിതീവ്രമഴയ്ക്കുള്ള സാധ്യത മുന്നിര്ത്തി നാല് ജില്ലകളില് നാളെ റെഡ് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ഇടുക്കി എന്നീ ജില്ലകളിലാണ് റെഡ് അലര്ട്ട്. ആലപ്പുഴ, കോട്ടയം, എറണാകുളം ജില്ലകളില് നാളെ ഓറഞ്ച് അലര്ട്ടും ബാക്കിയുള്ള ജില്ലകളില് നാളെ യെല്ലോ അലര്ട്ടുമായിരിക്കും. കോമോറിന് തീരത്തായുള്ള ചക്രവാതച്ചുഴിയുടെ സ്വാധീനമാണ് മഴ തുടരുന്നതിന് കാരണം. പടിഞ്ഞാറന് കാറ്റ് ശക്തിപ്പെടുന്നത് അനുസരിച്ച് അടുത്ത ദിവസളില് മഴ കനക്കാനും സാധ്യതയുണ്ട്.