തെരുവുനായയുടെ കടിയേല്ക്കുന്നവര്ക്ക് സൗജന്യ ചികിത്സ നല്കണമെന്ന് ഹൈക്കോടതി
കൊച്ചി: തെരുവുനായയുടെ കടിയേല്ക്കുന്നവര്ക്ക് സൗജന്യ ചികിത്സ നല്കണമെന്ന് ഹൈക്കോടതി. കേസില് ഇടക്കാല ഉത്തരവ് പുറപ്പെടുവിക്കുന്നതിന് മുമ്ബുള്ള വാദങ്ങള് കേള്ക്കുന്നതിനിടെയായിരുന്നു കോടതിയുടെ നിര്ദേശം. ഡി ജി പി ഇറക്കിയ സര്ക്കുലറിലെ നിര്ദേശങ്ങള് നടപ്പാക്കണമെന്നും കോടതി വ്യക്തമാക്കി. കേസില് ഇടക്കാല ഉത്തരവിറക്കും. നായ്ക്കളെ കൊല്ലുന്നത് സാക്ഷര കേരളത്തിന് ചേര്ന്നതല്ലെന്ന് ആനിമല് വെല്ഫെയര് ബോര്ഡ് ഓഫ് ഇന്ത്യ കോടതിയില് വാദിച്ചു. തെരുവുനായകളെ കൊല്ലുന്നവര്ക്കെതിരെ നടപടിയെടുക്കാന് പൊലീസിന് നിര്ദ്ദേശം നല്കണം. തെരുവുനായ ശല്യം രാജ്യവ്യാപകമായി ഉണ്ടെന്നും ആനിമല് വെല്ഫെയര് ബോര്ഡ് ഓഫ് ഇന്ത്യ കോടതിയില് വാദിച്ചു.
‘തെരുവുനായകളെ കൊല്ലുന്നത് തടവുംപിഴയും ലഭിക്കാവുന്നകുറ്റം, കൂട്ടത്തോടെ കൊല്ലാതിരിക്കാന് ബോധവത്കരണം നടത്തണം’
തെരുവുനായകളെ കൂട്ടത്തോടെ കൊല്ലാതിരിക്കാന് ബോധവത്കരണം നടത്തണമെന്ന് ഡിജിപി അനില്കാന്ത്.നായ്ക്കളെ കൊല്ലുന്നത് തടവു ലഭിക്കുന്ന കുറ്റമാണ്.ജനജീവിതത്തിന് ഭീഷണിയാകുന്നതിനാല് പട്ടികളെ കൂട്ടത്തോടെ നാട്ടുകാര് കൊല്ലുന്നുണ്ട്.ഇത് ഒഴിവാക്കണം.ഓരോ SHO മാരും റസിഡന്സ് അസോസിയേഷനുമായി ചേര്ന്ന് ബോധവത്കരണം നടത്തണമെന്നും ഡിജിപി നിര്ദ്ദേശം നല്കി.ഹൈക്കോടതി ഉത്തരവിന്റെ പശ്ചാത്തലത്തിലാണ് ഡിജിപിയുടെ നടപടി.പൊതുജനം നിയമം കയ്യിലെടുക്കുന്ന സാഹചര്യം ഒഴിവാക്കണമെന്നും സര്ക്കുലറില് പറയുന്നു.