വാട്സാപ്പ് ഇന്ത്യാ മേധാവിയും മെറ്റ ഇന്ത്യ പബ്ലിക് പോളിസി തലവനും രാജിവെച്ചു
ന്യൂഡല്ഹി: ഫെയ്സ്ബുക്ക്, വാട്സാപ്പ്, ഇന്സ്റ്റഗ്രാം തുടങ്ങിയവയുടെ മാതൃകമ്പനിയായ മെറ്റയില് രാജി തുടരുന്നു. ഇന്ത്യയിലെ മെറ്റാ പബ്ലിക് പോളിസി വിഭാഗം തലവനും വാട്സാപ്പ് ഇന്ത്യയിലെ മേധാവിയും ചൊവ്വാഴ്ച രാജി സമര്പ്പിച്ചതായി കമ്പനി സ്ഥിരീകരിച്ചു.
മെറ്റയുടെ ഇന്ത്യന് മേധാവി അജിത് മോഹന് രാജിവെച്ചതിന് പിന്നാലെയാണ് രാജ്യത്തെ മെറ്റ പബ്ലിക് പോളിസി വിഭാഗത്തിന്റെ തലവന് രാജീവ് അഗര്വാളും രാജിവെക്കുന്നത് എന്നത് ശ്രദ്ധേയമാണ്. മെറ്റയുടെ ഉപകമ്പനിയായ വാട്സാപ്പിന്റെ ഇന്ത്യന് തലവന് അഭിജിത് ബോസും ചൊവ്വാഴ്ച രാജി സമര്പ്പിച്ചുവെന്നാണ് കമ്പനി ഔദ്യോഗിക കുറിപ്പില് വ്യക്തമാക്കിയത്.