ഷൂട്ടൗട്ടില് ബ്രസീലിന്റെ കണ്ണീര്; കെട്ട് കെട്ടിച്ച് ക്രൊയേഷ്യ സെമിയില് സെമിയില്
ദോഹ: അധിക സമയത്തിന്റെ ആദ്യ പകുതിയില് ബ്രസീല് മുന്നിലെത്തിയത് നെയ്മറുടെ ഗോളില്, കളി അവസാനിക്കാന് മൂന്ന് മിനിറ്റ് ബാക്കിയുള്ളപ്പോള് ജയമുറപ്പിച്ച ബ്രസീലിനെതിരെ സമനില ഗോള് നേടി ക്രൊയേഷ്യ. ഒടുവില് ഷൂട്ടൗട്ടിലേക്ക് നീങ്ങിയ മത്സരത്തില് ആറാം ലോകകിരീടമെന്ന സ്വപ്നം ക്വാര്ട്ടറില് അവസാനിപ്പിച്ച് ബ്രസീല് ലോകകപ്പില് നിന്ന് പുറത്തായി. പെനാല്റ്റി ഷോട്ടൗട്ടില് 4-2 എന്ന സ്കോറിനായിരുന്നു ക്രൊയേഷ്യയുടെ ജയം. അധികസമയത്തിന്റെ ആദ്യ പകുതിയുടെ ഇഞ്ചുറി ടൈം വരെ കാത്തിരുന്നു ബ്രസീല്, ഒടുവില് അവരുടെ സൂപ്പര്താരം തന്നെ രക്ഷയ്ക്കെത്തി. ക്രൊയേഷ്യന് പ്രതിരോധ താരങ്ങളെ ഓരോന്നോരോന്നായി വെട്ടിയുഴിഞ്ഞ് ഒടുവില് ഗോള്കീപ്പറേയും മറികടന്ന് നെയ്മറുടെ കാലുകളില് നിന്ന് പന്ത് വല തൊട്ടപ്പോള് ബ്രസീല് ആരാധകര് ആവേശംകൊണ്ട് തുള്ളിച്ചാടി. തലേന്ന് രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത് 56ാം മിനിറ്റില് റഫീന്യയെ പിന്വലിച്ച് ആന്റണിയെ കളത്തിലിറക്കിയതോടെ ബ്രസീലിന്റെ മുന്നേറ്റങ്ങള്ക്ക് മൂര്ച്ച കൂടി. എന്നാല് ക്രൊയേഷ്യന് ഗോള്കീപ്പര് ഡൊമിനിക് ലിവാകോവിച്ചും പ്രതിരോധനിരയും ബ്രസീലിന് ഗോള് നിഷേധിച്ചുകൊണ്ടിരുന്നു. ബ്രസീലിയന് നീക്കങ്ങളുടെ മുനയൊടിച്ചത് നിരവധി തവണയാണ്. പ്രത്യാക്രമണത്തിലൂടെ നല്ല നീക്കങ്ങള് നടത്താനും ക്രൊയേഷ്യക്ക് മത്സരത്തിന്റെ ഭൂരിഭാഗം സമയത്തും കഴിഞ്ഞിരുന്നു”