രാജ്യത്തെ കോവിഡ് ബാധിതർ 67 ലക്ഷം കടന്നു ; 57.44 ലക്ഷം പേർക്ക് രോഗ മുക്തിയും
24 മണിക്കൂറിനിടെ 72,049 പേർക്ക് കോവിഡ് സ്ഥിരീകരിച്ചു ; 986 മരണവും
ന്യൂഡല്ഹി: രാജ്യത്ത് കോവിഡ് ബാധിതര് 67 ലക്ഷം കടന്നു. 24 മണിക്കൂറിനിടെ 72,049 പേര്ക്ക് രോഗബാധ ഉണ്ടായി. ഈ സമയത്ത് 986 പേര് വൈറസ് ബാധയെ തുടര്ന്ന് മരിച്ചതായി കേന്ദ്ര ആരോഗ്യമന്ത്രാലയത്തിന്റെ കണക്കുകള് വ്യക്തമാക്കുന്നു.
പുതിയ കേസുകള് റിപ്പോര്ട്ട് ചെയ്തതോടെ, മൊത്തം കോവിഡ് ബാധിതരുടെ എണ്ണം 67,57,132 ആയി ഉയര്ന്നു. ഇതില് 9,07,883 പേര് വീടുകളിലും ആശുപത്രികളിലുമായി ചികിത്സയില് കഴിയുന്നു. 57,44,694 പേര് രോഗമുക്തി നേടി. മരണസംഖ്യ 1,04,555 ആയി ഉയര്ന്നതായും സര്ക്കാര് കണക്കുകള് വ്യക്തമാക്കുന്നു.
ഇന്നലെ 11,99,857 സാമ്ബിളുകളാണ് പരിശോധനയ്ക്ക് അയച്ചത്. ഇതുവരെ 8,22,71,654 സാമ്ബിളുകള് പരിശോധിച്ചതായി ഐസിഎംആര് അറിയിച്ചു.