‘ഗുരുതര ആരോഗ്യപ്രശ്നങ്ങള് നേരിടുന്നു, ഇടക്കാലജാമ്യം വേണം’; ശിവശങ്കര് സുപ്രീം കോടതിയില്
ന്യൂഡല്ഹി: ലൈഫ് മിഷന് കേസില് അടിയന്തരമായി ഇടക്കാല ജാമ്യം അനുവദിക്കണമെന്ന് ആവശ്യപ്പെട്ട് എം. ശിവശങ്കര് സുപ്രീം കോടതിയില്. ശിവശങ്കര് ഗുരുതരമായ ആരോഗ്യപ്രശ്നങ്ങള് നേരിടുകയാണെന്ന് വ്യക്തമാക്കി അദ്ദേഹത്തിന്റെ അഭിഭാഷകന് സുപ്രീം കോടതി രജിസ്ട്രാര്ക്ക് കത്ത് നല്കി. ലൈഫ് മിഷന് കേസിലെ അറസ്റ്റ്, രാഷ്ട്രീയ അടവിന്റെ ഭാഗമാണെന്നാണ് സുപ്രീം കോടതിയില് ഫയല് ചെയ്ത ജാമ്യഹര്ജിയില് ആരോപിച്ചിരിക്കുന്നത്. മുഖ്യമന്ത്രിയെയും കുടുംബാംഗങ്ങളെയും ലക്ഷ്യമിട്ടാണ് ലൈഫ് മിഷന് കേസ് എന്നും ഹര്ജിയില് ആരോപിച്ചിട്ടുണ്ട്. സ്വര്ണക്കടത്ത് കേസില് മുഖ്യമന്ത്രിക്കെതിരേ മൊഴി നല്കാന് എന്ഫോഴ്സ്മെന്റ് ഡയറക്ടറേറ്റ് (ഇ.ഡി.) സമ്മര്ദ്ദം ചെലുത്തിയിരുന്നു. ലൈഫ് മിഷന് കേസ് ഇപ്പോഴത്തെ സംസ്ഥാന സര്ക്കാരിനെതിരെ രാഷ്ട്രീയ നേട്ടത്തിനാണെന്നും ഹര്ജിയില് ആരോപിച്ചിട്ടുണ്ട്. അഭിഭാഷകരായ സെല്വിന് രാജ, മനു ശ്രീനാഥ് എന്നിവരാണ് ഹര്ജി ഫയല് ചെയ്തത്