ഓൺലൈൻ പരസ്യം വഴി ദമ്പതികൾ പൂച്ചക്കുട്ടിയെ വാങ്ങി ; വളർന്നുവന്നപ്പോൾ കടുവക്കുഞ്ഞ്
ഓണ്‍ലൈന്‍ പോര്‍ട്ടലില്‍ കണ്ട പരസ്യം വഴി ദമ്ബതികള്‍ പൂച്ചക്കുട്ടിയെ വാങ്ങി.ആഫ്രിക്കന്‍ പുല്‍മേടുകളില്‍ സാധാരണയായി കണ്ടുവരുന്ന സാവന്ന കാറ്റ് എന്ന പ്രത്യേകയിനം പൂച്ചക്കുട്ടിയായിരുന്നു അത്. ആറായിരം യൂറോ നല്‍കിയാണ് അവര്‍ ഇഷ്ടപ്പെട്ട പൂച്ചക്കുട്ടിയെ സ്വന്തമാക്കിയത്. പാലും പഴവുമൊക്കെ കൊടുത്ത് പൂച്ചക്കുട്ടിയെ ദമ്ബതികള്‍ ഓമനിച്ച്‌ തുടങ്ങുകയായിരുന്നു. ഓരോ ദിവസം കഴിയുന്തോറും പൂച്ചക്കുട്ടിയുടെ ശബ്ദത്തില്‍ വ്യത്യാസം തോന്നിത്തുടങ്ങിയതിനെ തുടര്‍ന്ന് ദമ്ബതികള്‍ പൊലീസില്‍ വിവരമറിയിക്കുകയായിരുന്നു.
പൊലീസെത്തി പരിശോധന നടത്തിയപ്പോഴാണ് ഇവര്‍ ശരിക്കും ഞെട്ടിയത്. പൂച്ചക്കുഞ്ഞാണെന്ന് കരുതി ഇതുവരെ തങ്ങള്‍ താലോലിച്ചിരുന്നത് ഉഗ്രനൊരു കടുവക്കുഞ്ഞിനെയായിരുന്നു. സുമാത്രന്‍ ഇനത്തില്‍പെട്ട കടുവക്കുഞ്ഞായിരുന്നു അത്.ഈ വിഷയത്തില്‍ വന്യമൃഗങ്ങളെ വില്‍ക്കുന്ന സംഘത്തിലെ ഒമ്ബത് പേരെ അറസ്റ്റ് ചെയ്തു. കടുവക്കുഞ്ഞിനെ വന്യജീവി സംരക്ഷണ വിഭാഗത്തിന് കൈമാറുകയും ചെയ്തു.