ബാഡ്മിന്റണില് ചരിത്രം; സാത്വിക് സായ്രാജ് – ചിരാഗ് ഷെട്ടി സഖ്യത്തിന് സ്വര്ണം
ഹാങ്ചൗ: 2023 ഏഷ്യന് ഗെയിംസില് ചരിത്രമെഴുതി ബാഡ്മിന്റണ് ഡബിള്സില് ഇന്ത്യയ്ക്ക് സ്വര്ണം. ഡബിള്സ് താരങ്ങളായ സാത്വിക് സായ്രാജ് രങ്കിറെഡ്ഡി – ചിരാഗ് ഷെട്ടി സഖ്യമാണ് ഇന്ത്യയ്ക്കായി സ്വര്ണം നേടിയത്. ശനിയാഴ്ച നടന്ന ഫൈനലില് ദക്ഷിണ കൊറിയന് സഖ്യത്തെ നേരിട്ടുള്ള ഗെയിമുകള്ക്ക് മറികടന്നാണ് (21-18, 21-16) ഇന്ത്യന് സഖ്യത്തിന്റെ ചരിത്ര നേട്ടം. ഏഷ്യന് ഗെയിംസ് ചരിത്രത്തില് ബാഡ്മിന്റണ് പുരുഷ ഡബിള്സില് ഇന്ത്യയുടെ ആദ്യ സ്വര്ണമാണിത്. ഇത്തവണത്തെ ഗെയിംസില് ഇന്ത്യയുടെ 26-ാം സ്വര്ണമാണിത്. 26 സ്വര്ണവും 35 വെള്ളിയും 40 വെങ്കലവുമടക്കമാണ് ഇന്ത്യയുടെ മെഡല് നേട്ടം 101 ആയത്.