ജപ്പാന് മുന് പ്രധാനമന്ത്രി ഷിന്സോ ആബെയ്ക്ക് വെടിയേറ്റു; അതീവ ഗുരുതരം
ടോക്കിയോ∙ ജപ്പാന് മുന് പ്രധാനമന്ത്രി ഷിന്സോ ആബെയ്ക്ക് (67) വെടിയേറ്റു. കിഴക്കന് ജപ്പാനിലെ നാരാ നഗരത്തില് വച്ചാണ് ആബെയ്ക്ക് വെടിയേറ്റത്. ആബെയുടെ നില അതീവഗുരുതരമാണ്. ജപ്പാന് പ്രധാനമന്ത്രി ഫുമിയോ കിഷിദ തിരഞ്ഞെടുപ്പ് പ്രചാരണ പരിപാടികള് മാറ്റിവച്ച് ടോക്കിയോയിലേക്കു തിരിച്ചു. പിന്നില്നിന്നാണ് ആബെയ്ക്ക് വെടിയേറ്റതെന്നാണു റിപ്പോര്ട്ട്. കൈത്തോക്ക് ഉപയോഗിച്ചാണ് വെടിവച്ചതെന്നു പൊലീസ് സ്ഥിരീകരിച്ചു. പാർലമെന്റിന്റെ ഉപരിസഭയിലേക്ക് ഞായറാഴ്ച നടക്കാനിരിക്കുന്ന തിരഞ്ഞെടുപ്പിന്റെ പ്രചാരണ യോഗത്തിനിടെയായിരുന്നു വെടിയേറ്റത്.