ബിഹാർ മന്ത്രി കോവിഡ് ബാധിച്ചു മരിച്ചു
പാറ്റ്ന : മുതിര്ന്ന ജെഡിയു നേതാവും ബിഹാര് പഞ്ചായത്തീരാജ് മന്ത്രിയുമായ കപില് ദിയോ കാമത്ത് കോവിഡ് ബാധിച്ചു മരിച്ചു. 69 വയസ്സായിരുന്നു. പാറ്റ്നയിലെ എയിംസില് ചികിത്സയിലായിരുന്നു.
കഴിഞ്ഞ ആഴ്ച കോവിഡ് ബാധിച്ച് ആശുപത്രിയില് പ്രവേശിപ്പിക്കപ്പെട്ട അദ്ദേഹത്തിന്റെ ആരോഗ്യസ്ഥിതി തിങ്കളാഴ്ചയോടെ വഷളായിരുന്നു. വെന്റിലേറ്റര് സഹായത്തോടെയാണ് ജീവന് നിലനിര്ത്തിയിരുന്നത്.
കഴിഞ്ഞ 40 വര്ഷമായി രാഷ്ട്രീയത്തില് സജീവമായിരുന്ന കാമത്ത്, 10 വര്ഷമായി മന്ത്രിയാണ്. മന്ത്രി കപില് ദിയോ കാമത്തിന്റെ നിര്യാണത്തില് മുഖ്യമന്ത്രി നിതീഷ് കുമാര് അനുശോചിച്ചു.