ചേന്ദമംഗലം കൂട്ടക്കൊലക്കേസ് പ്രതി ഋതുവിന്റെ വീട് അടിച്ചുതകര്ത്തു
എറണാകുളം: ചേന്ദമംഗലം കൂട്ടക്കൊല കേസിലെ പ്രതി ഋതു ജയന്റെ വീട് നാട്ടുകാര് അടിച്ചു തകര്ത്തനിലയില്. സംഭവത്തില് രണ്ടുപേരെ പോലീസ് കസ്റ്റഡിയിലെടുത്തു. ഞായറാഴ്ച
വൈകിട്ട് ഏഴുമണിയോടെയാണ് സംഭവം. സംഭവത്തിനുശേഷം ഋതുവിന്റെ അമ്മ വീട്ടില് നിന്നും മാറി. വീടിന്റെ ജനലുകളും കോലായയിലെ കോണ്ക്രീറ്റ് സ്ലാബും കസേരയും അക്രമികള് അടിച്ചുതകര്ത്ത നിലയിലാണുള്ളത്.
പേരപ്പാടം കാട്ടിപ്പറമ്പില് വേണു (69), ഭാര്യ ഉഷ (62), മകള് വിനിഷ (32) എന്നിവരെയാണ് അയല്വാസിയായ ഋതു വ്യാഴാഴ്ച വൈകിട്ട് വീട്ടില്ക്കയറി തലയ്ക്കടിച്ച് കൊലപ്പെടുത്തിയത്. ആക്രമണത്തില് വിനിഷയുടെ ഭര്ത്താവ് ജിതിനും ഗുരുതരമായി പരിക്കേറ്റിരുന്നു. അദ്ദേഹം ഇപ്പോഴും അപകടനില തരണം ചെയ്തിട്ടില്ല. വെള്ളിയാഴ്ച ഒരു ശസ്ത്രക്രിയയ്ക്ക് ജിതിനെ വിധേയനാക്കിയിരുന്നു.