സംസ്ഥാനത്ത് ശനിയാഴ്ച വരെ ശക്തമായ മഴയ്ക്ക് സാധ്യത; നാലു ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ശനിയാഴ്ച വരെ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. ഇന്ന് നാല് ജില്ലകളില് യെല്ലോ അലര്ട്ട് പ്രഖ്യാപിച്ചു. പത്തനംതിട്ട,കോട്ടയം,ഇടുക്കി, കോഴിക്കോട് ജില്ലകളിലാണ് അലര്ട്ട്. മറ്റ് ജില്ലകളിലും പരക്കെ മഴ ലഭിക്കും. മണിക്കൂറില് 40 മുതല് 50 കിലോമീറ്റര് വേഗതയില് കാറ്റ് വീശാന് സാധ്യത ഉള്ളതിനാല് കേരള ലക്ഷദ്വീപ് തീരങ്ങളില് മത്സ്യത്തൊഴിലാളികള് കടലില് പോകരുതെന്ന നിര്ദേശമുണ്ട്. അതേസമയം കര്ണാടക തീരത്ത് മത്സ്യ ബന്ധനത്തിന് തടസമില്ല.
മത്സ്യത്തൊഴിലാളി ജാഗ്രതാ നിര്ദേശം
കേരള – ലക്ഷദ്വീപ് തീരങ്ങളില് 24 -05-2022 മുതല് 25 -05-2022 വരെ മണിക്കൂറില് 40 മുതല് 50 കിലോമീറ്റര് വേഗതയിലും ചിലയവസരങ്ങളില് മണിക്കൂറില് 60 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ പ്രദേശങ്ങളില് മല്സ്യബന്ധനത്തിന് പോകാന് പാടുള്ളതല്ല.
പ്രത്യേക ജാഗ്രത നിര്ദേശങ്ങള്
24-05-2022 മുതല് 25 -05-2022 വരെ: തെക്ക് കിഴക്കന് അറബിക്കടല്, ഗള്ഫ് ഓഫ് മാന്നാര് അതിനോട് ചേര്ന്ന തെക്ക് തമിഴ്നാട് തീരത്തും, കന്യാകുമാരി തീരത്തും തെക്ക് പടിഞ്ഞാറന് ബംഗാള് ഉള്ക്കടല്, മധ്യ കിഴക്കന് ബംഗാള് ഉള്ക്കടല്, വടക്കന് ആന്ഡമാന് കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയിലും ചിലയവസരങ്ങളില് മണിക്കൂറില് 60 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പ്പറഞ്ഞ പ്രദേശങ്ങളിലും തിയതികളിലും മല്സ്യബന്ധനത്തിന് പോകാന് പാടുള്ളതല്ല.