സെക്സ് ചാറ്റിന് ശേഷം ഗ്രീഷ്മ ഷാരോണിനെ ലൈംഗികബന്ധത്തിനായി വിളിച്ചു വരുത്തി, കഷായം കുടിപ്പിച്ചു, കുറ്റപത്രം സമര്പ്പിച്ചത് ഗ്രീഷ്മ അറസ്റ്റിലായി 85ാംദിവസം
തിരുവനന്തപുരം: പാറശാല ഷാരോണ് വധക്കേസില് അന്വേഷണ സംഘം കുറ്റപത്രം സമര്പ്പിച്ചത് ഒന്നാംപ്രതി ഗ്രീഷ്മ അറസ്റ്റിലായി 85ാം ദിവസം. ഗ്രീഷ്മയുടെ അമ്മ സിന്ധു രണ്ടാം പ്രതിയും അമ്മാവന് നിര്മ്മല് കുമാര് മൂന്നാം പ്രതിയുമാണ്. നെയ്യാറ്റിന്കര സെഷന്സ് കോടതിയില് ജില്ലാ ക്രൈം ബ്രാഞ്ചിന്റെ ചുമതലയുള്ള ഡി വൈ എസ് പി റാസിത്താണ് കുറ്റപത്രം സമര്പ്പിച്ചത്. കാമുകനായ ഷാരോണിനെ ഒഴിവാക്കാന് ഗ്രീഷ്മ കഷായത്തില് വിഷം കലര്ത്തി കൊന്നെന്നാണ് അന്വേഷണ ഉദ്യോഗസ്ഥരുടെ കണ്ടെത്തല്. അമ്മ സിന്ധുവും അമ്മാവന് നിര്മല് കുമാറും തെളിവ് നശിപ്പിച്ചെന്നും കുറ്റപത്രത്തില് പറയുന്നു. ജ്യൂസ് ചലഞ്ച് പരാജയപ്പെട്ടതോടെയാണ് കഷായത്തില് കീടനാശിനി കലര്ത്തി കൊലപ്പെടുത്തിയതെന്നും കുറ്റപത്രത്തിലുണ്ട്. ഗ്രീഷ്മ ഷാരോണിനെ ലൈംഗിക ബന്ധത്തിവനായി വീട്ടിലേക്ക് വിളിച്ച് വരുത്തിയ ശേഷമാണ് കൊല നടത്തിയത്. ഷാരോണുമായി പ്രണയത്തിലായിരുന്ന ഗ്രീഷ്മയ്ക്ക് ഉയര്ന്ന സാമ്ബത്തിക നിലയുള്ള സൈനികന്റെ വിവാഹാലോചന വന്നിരുന്നു. ഇതോടെ ഷാരോണിനെ ഒഴിവാക്കാന് നോക്കി. എന്നാല് ഷാരോണ് ബന്ധത്തില് നിന്ന് പിന്മാറിയില്ല. ഇതോടെയാണ് ഷാരോണിനെ കൊലപ്പെടുത്താന് തീരുമാനിച്ചത്. സംഭവദിവസം ഷാരോണുമായി സെക്സ് ചാറ്റ് ചെയ്ത ശേഷം ലൈംഗിക ബന്ധത്തിനായി വീട്ടിലേക്ക് വിളിച്ചുവരുത്തി. ഈ വാട്സാപ്പ് ചാറ്റിന്റെ തെളിവുകളും അന്വേഷണ സംഘം കോടതിയില് സമര്പ്പിച്ചു. ഷാരോണ് വീട്ടിലെത്തിയപ്പോള് നേരത്തെ കീടനാശിനി കലര്ത്തി വച്ചിരുന്ന കഷായം ഒരു ഗ്ലാസ് ഷാരോണിനെ കൊണ്ട് കുടിപ്പിക്കുകയായിരുന്നു. കഷായം കുടിച്ച് അവശനായ ഷാരോണ് ഛര്ദ്ദിച്ച് അവശനായാണ് പുറത്തുകാത്ത് നിന്ന സുഹൃത്തിന്റെ അടുത്തെത്തിയതെന്നും കുറ്റപത്രത്തില് പറയുന്നു. കഴിഞ്ഞ ഒക്ടോബര് 14നാണ് തമിഴ്നാട് പളുകലിലുള്ള വീട്ടില്വച്ച് ഗ്രീഷ്മ ഷാരോണിന് കഷായത്തില് വിഷം കലക്കി നല്കിയത്. ചികിത്സയിലിരിക്കെ നവംബര് 25നാണ് ഷാരോണ് മരിച്ചത്. തുടക്കത്തില് പാറശാല പൊലീസ് ഷാരോണിന്റേത് സാധാരണ മരണമെന്ന നിഗമനത്തിലാണെത്തിയത്. കുടുംബത്തിന്റെ പരാതിയില് പ്രത്യേക സംഘത്തിന്റെ ചോദ്യം ചെയ്യലില് ഗ്രീഷ്മ കുറ്റം സമ്മതിക്കുകയായിരുന്നു.