ഭരണഘടന തൊട്ട് സത്യം ചെയ്യുന്നവര് തന്നെ ഭരണഘടനയെ എതിര്ക്കുന്നു: മുഖ്യമന്ത്രി
“തിരുവനന്തപുരം∙ ഭരണഘടന തൊട്ട് സത്യം ചെയ്യുന്നവര് തന്നെ ഭരണഘടനയെ എതിര്ക്കുന്നുവെന്ന് മുഖ്യമന്ത്രി പിണറായി വിജയന്. നവോത്ഥാന സംരക്ഷണ സമതിയുടെ ഭരണഘടനാ സംരക്ഷണ സമ്മേളനവും മതേതര സംഗമവും ചെമ്പഴന്തി ശ്രീനാരായണ ഗുരുകുലത്തില് ഉദ്ഘാടനം ചെയ്യുകയായിരുന്നു അദ്ദേഹം. ഭരണഘടന ആക്രമണങ്ങള് നേരിടുന്ന കാലമാണിത്. ഭരണഘടന തകര്ന്നാല് രാജ്യത്തിന്റെ പരമാധികാരം തകരും. ബിജെപിക്കും ആര്എസ്എസ്എസിനുമെതിരെ നിലകൊള്ളുന്ന സര്ക്കാരുകളെ അസ്ഥിരപ്പെടുത്താനും സാമ്പത്തികമായി ഞെരുക്കാനും ശ്രമിക്കുന്നു. അതൊന്നും കേരളത്തില് വിലപ്പോകില്ലെന്നും മുഖ്യമന്ത്രി പറഞ്ഞു. നവോത്ഥാന സംരക്ഷണ സമിതി ചെയര്മാന് വെള്ളാപ്പള്ളി നടേശന് അധ്യക്ഷനായിരുന്നു. ”