മുല്ലപ്പെരിയാര് ഡാം തുറക്കുമ്ബോള് ആശങ്ക വേണ്ട; കെ കൃഷ്ണന് കുട്ടി
മുല്ലപ്പെരിയാര് അണക്കെട്ട് തുറക്കുമ്ബോള് ആശങ്ക വേണ്ടെന്ന് വൈദ്യുതി മന്ത്രി കെ കൃഷ്ണന് കുട്ടി. ഡാം തുറന്ന് വിടുമ്ബോഴുള്ള ജലം ഇടുക്കി ഡാമിന് പ്രശ്നമാകില്ലെന്ന് മന്ത്രി പറഞ്ഞു. റൂള് കര്വിനേക്കാള് ഒന്നരയടി താഴ്ത്തിയാണ് ഇടുക്കിയിലെ ജലനിരപ്പ് നിലനിര്ത്തുന്നത്. ഡാമുകള് തുറക്കുന്നത് മൂലം കെ എസ് ഇ ബിക്ക് 45 കോടി രൂപയുടെ നഷ്ടമുണ്ടാകുമെന്ന് വൈദ്യുതി മന്ത്രി കെ കൃഷ്ണന് കുട്ടി വ്യക്തമാക്കി.
ഇതിനിടെ മുല്ലപ്പെരിയാര് ഡാം തുറക്കാനുള്ള മുന്നൊരുക്കങ്ങള് പൂര്ത്തിയായെന്ന് ജലവിഭവ വകുപ്പ് മന്ത്രി റോഷി അഗസ്റ്റിന് പറഞ്ഞു. ജനങ്ങള്ക്ക് ആശങ്ക വേണ്ട. 20ഓളം ക്യാമ്ബുകള് തയാറാക്കിയിട്ടുണ്ട്. രോഗബാധിതരെയും പ്രായമായവരെയും ആദ്യം മാറ്റും. 20 റവന്യു ഉദ്യോഗസ്ഥര്ക്ക് 20 ക്യാമ്ബിന്്റെ ചുമതല നല്കിയിട്ടുണ്ടെന്നും ഉദ്യോഗസ്ഥ തലത്തില് പ്രത്യേക ചുമതല നല്കിയിട്ടുണ്ടെന്നും അദ്ദേഹം അറിയിച്ചു . ആളുകളെ മാറ്റി പാര്പ്പിക്കാന് നടപടികള് ആരംഭിച്ചു. ഉദ്യോഗസ്ഥരും തയ്യാറെടുപ്പുകള് പൂര്ത്തിയാക്കി. വെള്ളം ഒഴുകിപ്പോകാനുള്ള തടസങ്ങള് നീക്കിയിട്ടുണ്ട്. തമിഴ്നാടിന്്റെ തീരുമാനം സ്വാഗതാര്ഹമാണ്. പെരിയാര് തീരത്തുള്ളവരുടെ സുരക്ഷ ഉറപ്പുവരുത്തും. വാഹനങ്ങളും മണ്ണുമാന്തി യന്ത്രങ്ങളും സജ്ജമാണെന്നും മന്ത്രി റോഷി അഗസ്റ്റിന് വ്യക്തമാക്കി. മന്ത്രി ഇന്ന് വൈകിട്ട് മുല്ലപ്പെരിയാര് ഡാം സന്ദര്ശിക്കും.
Read Also : മുല്ലപ്പെരിയാര് ഡാം തുറക്കാനുള്ള എല്ലാ മുന്നൊരുക്കങ്ങളും പൂര്ത്തിയായി; അനാവശ്യ പ്രചാരണങ്ങള് ഒഴിവാക്കണം റവന്യു മന്ത്രി ട്വന്റിഫോറിനോട്
അതേസമയം മുല്ലപ്പെരിയാര് ഡാം തുറക്കാനുള്ള എല്ലാ മുന്നൊരുക്കങ്ങളും പൂര്ത്തിയായെന്ന് റവന്യു മന്ത്രി കെ രാജനും അറിയിച്ചു. തമിഴ്നാട് കൂടുതല് വെള്ളം കൊണ്ടുപോകുന്നുണ്ട്. 20 റവന്യു ഉദ്യോഗസ്ഥന്മാര്ക്ക് 20 ക്യാമ്ബുകളുടെ ചുമതല നല്കിയിട്ടുണ്ട്. കൊവിഡ് ബാധിതര്ക്കും നിരീക്ഷണത്തില് ഉള്ളവര്ക്കും പ്രത്യേക ക്യാമ്ബുകള് സജ്ജമാണെന്നും അദ്ദേഹം വ്യക്തമാക്കി. കൂടാതെ സമൂഹമാധ്യമങ്ങളിലൂടെയുള്ള അനാവശ്യ പ്രചാരണങ്ങള് ഒഴിവാക്കണമെന്നും തെറ്റായ വിവരങ്ങള് പ്രചരിപ്പിച്ചാല് കര്ശന നിയമനടപടിയെന്നും അദ്ദേഹം കൂട്ടിച്ചേര്ത്തു
നിലവില് അണക്കെട്ടിലെ ജലനിരപ്പ് 138.05 അടിയാണ് . ഇതേതുടര്ന്ന് ജില്ലാ ഭരണകൂടം രണ്ടാമത്തെ മുന്നറിയിപ്പ്പുറപ്പെടുവിച്ചു. അണക്കെട്ടിന്റെ വൃഷ്ടി പ്രദേശത്ത് ഇന്നലെ വൈകിട്ട് ശക്തമായ മഴ പെയ്തിരുന്നു. തമിഴ്നാട് കൊണ്ടുപോകേണ്ട വെള്ളത്തിന്റെ അളവ് 2300 ഘനയടിയായി തുടരുന്നു.