മുക്താര് അൻസാരിയുടെ മരണം; വിവാദം കനക്കുന്നു, മജിസ്റ്റീരിയല് അന്വേഷണം പ്രഖ്യാപിച്ച് യുപി സര്ക്കാര്
ദില്ലി: മുക്താർ അൻസാരിയുടെ മരണത്തില് മജിസ്റ്റീരിയല് അന്വേഷണം പ്രഖ്യാപിച്ച് യുപി സർക്കാർ. അൻസാരിയുടെ മരണം 3 അംഗ സംഘം അന്വേഷിക്കുമെന്നാണ് വിവരം. അതേസമയം, മുക്താർ അൻസാരിയുടെ മരണം സർക്കാർ സ്പോണ്സേർഡ് കൊലപാതകമെന്ന ആരോപണവുമായി പ്രതിപക്ഷം രംഗത്തെത്തി. മരണത്തെ തുടർന്ന് യുപിയില് നിരോധനാജ്ഞ പ്രഖ്യാപിച്ചിരിക്കുകയാണ്. മുക്താർ അൻസാരിയുടെ മരണത്തില് യുപി സർക്കാറിനെതിരെ കടുത്ത വിമർശവുമായി അഖിലേഷ് യാദവ് രംഗത്തെത്തി. സുപ്രീംകോടതി ജഡ്ജിയുടെ മേല്നോട്ടത്തില് അന്വേഷണം വേണമെന്ന് അഖിലേഷ് യാദവ് ആവശ്യപ്പെട്ടു. ഏത് സാഹചര്യത്തിലും ജനങ്ങളുടെ ജീവൻ സംരക്ഷിക്കുകയാണ് സർക്കാറിന്റെ ഉത്തരവാദിത്വം. ഇതിന് കഴിയാത്ത സർക്കാറിന് അധികാരത്തില് തുടരാൻ അവകാശമില്ല. സർക്കാർ സ്വന്തം രീതിയില് കോടതി നടപടികള് മറികടക്കുന്നത് നിയമവിരുദ്ധമാണ്. ഉത്തർപ്രദേശ് കടന്നുപോകുന്നത് ഏറ്റവും മോശം അവസ്ഥയിലൂടെയാണെന്നും നിയമപാലനത്തിന് യുപിയില് സീറോ അവറെന്നും അഖിലേഷ് യാദവ് വിമർശിച്ചു. അതിനിടെ, മുക്താർ അൻസാരിയുടെ കുടുംബത്തിന്റെ ആരോപണം ഗൗരവമുള്ളതെന്നാണെന്ന് ബിഎസ്പി നേതാവ് മായാവതി പ്രതികരിച്ചു. ഉന്നതതല അന്വേഷണത്തിലൂടെ സത്യം പുറത്ത് വരട്ടെയെന്നും മായാവതി പറഞ്ഞു. പിതാവ് മുക്താർ അൻസാരിക്ക് ജയിലില് വിഷം നല്കിയെന്ന് ഉമർ അൻസാരി പറഞ്ഞിരുന്നു. ജയിലില് വെച്ച് ഭക്ഷണത്തില് വിഷം കലർത്തിയെന്നാണ് കുടുംബം ആരോപിക്കുന്നത്. സംഭവത്തില് അന്വേഷണം വേണമെന്നും കോടതിയെ സമീപിക്കുമെന്നും കുടുംബം അറിയിച്ചു. ജയിലില് വെച്ച് അബോധാവസ്ഥയില് കാണപ്പെട്ട മുക്താർ അൻസാരിയെ ആശുപത്രിയില് പ്രവേശിപ്പിക്കുകയായിരുന്നു. ആശുപത്രിയില് വെച്ച് ഹൃദയാഘാതം മൂലം മരണം സംഭവിക്കുകയായിരുന്നു. അധികൃതരുടെ ഭാഗത്ത് നിന്ന് എന്നോട് ഒന്നും പറഞ്ഞിട്ടില്ല. മാധ്യമങ്ങളിലൂടെയാണ് ഞാൻ ഇക്കാര്യം അറിഞ്ഞത്. എന്നാല് ഇപ്പോള്, രാജ്യം മുഴുവൻ എല്ലാം അറിയുന്നു. രണ്ട് ദിവസം മുമ്ബ് ഞാൻ അദ്ദേഹത്തെ കാണാൻ വന്നിരുന്നു. പക്ഷേ എന്നെ അനുവദിച്ചില്ല. മാർച്ച് 19 ന് രാത്രി ഭക്ഷണത്തില് വിഷം നല്കിയിട്ടുണ്ട്. ഇക്കാര്യം ഞങ്ങള് ഉറപ്പിച്്ച് പറയുകയാണഅ. പിതാവിന്റെ മരണത്തില് സത്യം എന്താണെന്ന് അറിയണം. അതിന് ഞങ്ങള് നിയമപരമായി നീങ്ങും, ഞങ്ങള്ക്ക് അതില് പൂർണ്ണ വിശ്വാസമുണ്ടെന്നും മകൻ പറഞ്ഞു. സമാജ് വാദി പാർട്ടി മുൻ എംഎല്എയായിരുന്നു മുക്താർ അൻസാരി. നിരവധി ക്രമിനല് കേസുകളില് പ്രതിയാണ് അൻസാരി. വ്യാജ തോക്ക് ലൈസൻസ് കേസില് ജീവപര്യന്തം തടവില് കഴിയവേയാണ് അന്ത്യം. ഈ മാസമാണ് കേസില് മുക്താർ അൻസാരിയെ വാരാണസി കോടതി ശിക്ഷിച്ചത്. മുക്താർ അൻസാരിയുടെ മരണത്തിന് പിന്നാലെ ഗാസിപ്പുരിലും, ബന്ദയിലും നിരോധനാജ്ഞ പ്രഖ്യാപിച്ചിരിക്കുകയാണ്. കെജ്രിവാളിന്റെ ഫോണിലെ നിര്ണായക വിവരങ്ങള് ഇഡി ബിജെപിക്ക് ചോര്ത്തിക്കൊടുക്കുന്നു’: ആം ആദ്മി പാര്ട്ടി