ആത്മനിർഭർ ഭാരത് ; സൈനിക കാന്റീനുകളിൽ വിദേശത്ത് നിന്നും ഇറക്കുമതി ചെയ്യുന്ന ഉത്പന്നങ്ങൾ ഇനി അനുവദിക്കില്ല ‘ ; വിലക്ക് ഏർപ്പെടുത്തി കേന്ദ്രസർക്കാർ
ഡല്ഹി: സൈനിക കാന്റീനുകളില് വിദേശത്ത് നിന്നും ഇറക്കുമതി ചെയ്യുന്ന സാധനങ്ങള് വില്ക്കുന്നതിന് വിലക്ക് ഏര്പ്പെടുത്തി കേന്ദ്രസര്ക്കാര്. ഈ നിര്ദേശം രാജ്യത്തെ 4,000 സൈനിക കാന്റീനുകളില് നല്കിയതായി വാര്ത്ത ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. വിദേശ മദ്യത്തിനുള്പ്പടെ ഈ നിരോധനം ഏര്പ്പടുത്തിയേക്കുമെന്നാണ് റിപ്പോര്ട്ട്.കര, വ്യോമ, നാവിക സേനകളുമായി ഈ വിഷയം ചര്ച്ച ചെയ്തിട്ടുണ്ടെന്നും ആഭ്യന്തര ഉല്പ്പന്നങ്ങള് പ്രോത്സാഹിപ്പിക്കാനുള്ള പ്രധാനമന്ത്രി നരേന്ദ്ര മോദിയുടെ ആഹ്വാനത്തെ പിന്തുണയ്ക്കുകയാണ് ലക്ഷ്യമെന്നും ഉത്തരവില് പറയുന്നു. എന്നാല് ഈ നിര്ദേശത്തോട് പ്രതിരോധ മന്ത്രാലയം പ്രതികരിച്ചിട്ടില്ല.