കേന്ദ്രസർവകലാശാല എം എ മലയാളം വിഭാഗത്തിൽ 3ആം റാങ്ക് നേടിയ ഹസീന യാസ്മീനെ ആലംപാടി ഗൈസ് അനുമോദിച്ചു

ആലംപാടി: കേന്ദ്ര സർവകലാശാല എം എ മലയാളം വിഭാഗത്തിൽ മൂന്നാം റാങ്ക് നേടി നാടിന് അഭിമാനമായ ഹസീന യാസ്മിനെ ആലംപാടി ഗൈസ്‌ മൊമന്റോയും ക്യാഷ് അവാർഡും നൽകി ആദരിച്ചു. ആലംപാടി സ്വദേശിയായ മൊഗ്രാൽപുത്തൂർ താമസമുള്ള കുട്ടിയെയാണ് അനുമോദിച്ചത്. ആലംപാടി ഗൈസ്‌ ഗ്രൂപ്പ് അഡ്മിൻ റിയാസ് ടി.എ മൊമന്റോയും ഗയ്‌സ് മെമ്പർ ഉമ്പായി മിഹ്റാജ് ക്യാഷ് അവാർഡും നൽകി. ആലംപാടി ഗൈസ്‌ ഗ്രൂപ്പ് മെമ്പർമാരായ നാസർ, ഔഫ് കന്നിക്കാട് .മാമു തുടങ്ങിയവർ സംബന്ധിച്ചു. കേരളത്തിലെ പല ഭാഗങ്ങളിൽ നിന്നും പ്രവേശന പരീക്ഷയിലൂടെ അഡ്മിഷൻ നേടിയ മികച്ച വിദ്യാർത്ഥികൾക്കിടയിൽ നിന്നാണ് യാസ്മീൻ മൂന്നാം സ്ഥാനം കരസ്ഥമാക്കിയത്. തികച്ചും പ്രതികൂല സാഹചര്യത്തിൽ നിന്നും പഠിച്ചു ഉയർന്നു വന്ന ഈ കുട്ടി നാട്ടിലെ യുവ ജനതക്ക് നല്ലൊരു മാതൃകയാണ്.