പഴയ പതാക ഉയർത്തുമെന്ന് പ്രഖ്യാപിച്ച് ജനകീയ സഖ്യം;
ഫാറൂഖ് അബ്ദുല്ലയും മെഹ്ബൂബയും നയിക്കും
കശ്മീരിന്റെ പ്രത്യേക പദവിയും പ്രത്യേക പതാകയും കേന്ദ്രസര്‍ക്കാര്‍ എടുത്തകളഞ്ഞ് ഒരു വര്‍ഷം പിന്നിടുമ്ബോള്‍ അതേ പതാക ഉയര്‍ത്തുമെന്ന് പ്രഖ്യാപിച്ച് പീപ്പിള്‍സ് അലയന്‍സ്. കേന്ദ്രസര്‍ക്കാരിന്റെ കശ്മീര്‍ നയം പൊളിച്ചെഴുതി പ്രത്യേക പദവി പുനഃസ്ഥാപിക്കണം എന്ന ആവശ്യവുമുയര്‍ത്താനായി പ്രധാന പ്രതിപക്ഷ പാര്‍ട്ടികള്‍ സംയുക്തമായി രൂപീകരിച്ചതാണ് പീപ്പിള്‍സ് അലയന്‍സ്.
നാഷണല്‍ കോണ്‍ഫറന്‍സ് നേതാവ് ഫറൂഖ് അബ്ദുള്ളയെ മുന്നണിയുടെ അധ്യക്ഷനായും സംസ്ഥാന രാഷ്ട്രീയത്തില്‍ ദീര്‍ഘകാലം ബദ്ധവൈരിയായിരുന്ന മെഹബൂബ മുഫ്തിയെ ഉപാധ്യക്ഷയായും തെരഞ്ഞെടുത്താണ് കേന്ദ്ര നയത്തിനെതിരായ മുന്നണി രൂപീകരണം.