ഹാഥ്റസ് : പ്രത്യേക അന്വേഷണസംഘത്തിലെ ഡിഐജിയുടെ ഭാര്യ തൂങ്ങിമരിച്ച നിലയിൽ
ലക്‌നൗ: ഹാഥ്‌രസില്‍ ദലിത് പെണ്‍കുട്ടി കൊല ചെയ്യപ്പെട്ട കേസ് അന്വേഷിക്കുന്ന ഉദ്യോഗസ്ഥന്റെ ഭാര്യയെ ജീവനൊടുക്കിയ നിലയില്‍ കണ്ടെത്തി. ഡിഐജി ചന്ദ്രപ്രകാശിന്റെ ഭാര്യ പുഷ്പ പ്രകാശിനെയാണ് (36) തൂങ്ങിമരിച്ച നിലയില്‍ കണ്ടെത്തിയത്. ലഖ്നൗവിലെ സുശാന്ത് ഗോള്‍ഫ് സിറ്റിയിലെ വീട്ടില്‍ സീലിങ് ഫാനില്‍ തൂങ്ങിമരിച്ചെന്നാണ് റിപ്പോര്‍ട്ടുകള്‍.
ഉന്നാവ് പൊലീസ് ട്രെയിനിങ് സെന്റര്‍ ഡിഐജിയാണ് ചന്ദ്രപ്രകാശ്. ഹാഥ്‌രസ് ബലാത്സംഗ കേസ് അന്വേഷിക്കാന്‍ യുപി സര്‍ക്കാര്‍ രൂപവത്‌കരിച്ച പ്രത്യേക സംഘത്തില്‍ ഉള്‍പ്പെട്ടയാളാണ് ഇദ്ദേഹം. ശനിയാഴ് രാവിലെ 11 മണിയോടെ തൂങ്ങിയനിലയില്‍ കണ്ടെത്തിയ പുഷ്പയെ ഉടന്‍തന്നെ ലോഹിയ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നതായി ഡോക്ടര്‍മാര്‍ അറിയിച്ചു.സംഭവത്തില്‍ അന്വേഷണം ആരംഭിച്ചു.