രാജ്യത്ത് കോവിഡ് സ്ഥിരീകരിച്ചവരിൽ 90% പേരും രോഗമുക്തരായി ;
കണക്കുകൾ പുറത്ത് വിട്ട് കേന്ദ്ര ആരോഗ്യ മന്ത്രാലയം

ന്യൂഡല്‍ഹി : ഇന്ത്യയില്‍ കോവിഡില്‍ നിന്നും മുക്തിനേടിയവരുടെയെണ്ണത്തില്‍ വന്‍ വര്‍ധനയുണ്ടായതായി കേന്ദ്ര ആരോഗ്യ മന്ത്രാലയം. ദേശീയ തലത്തില്‍ കോവിഡ് രോഗമുക്തി നിരക്ക് 90 ശതമാനം വര്‍ദ്ധിച്ചതായി ആരോഗ്യ മന്ത്രാലയം വ്യക്തമാക്കി. കഴിഞ്ഞ 24 മണിക്കൂറിനിടെ കോവിഡില്‍ നിന്നും മുക്തിനേടിയത് 63,077 പേരാണ്. ഇതോടെ രാജ്യത്ത് രോഗമുക്തി നേടിവരുടെ ആകെയെണ്ണം 70,78,123 ആയി വര്‍ധിച്ചു.

ഇതുവരെ രോഗം സ്ഥിരീകരിച്ചവരുടെ 90 ശതമാനമാണിത്. ഇന്ത്യയില്‍ ഇതുവരെ കോവിഡ് ബാധിച്ചു മരിച്ചത് 1,18,534 പേരാണ്. ആകെ കോവിഡ് കേസുകളുടെ 1.51 ശതമാനമാണിത്. നിലവില്‍ കോവിഡ് ബാധിച്ച്‌ രാജ്യത്തെ വിവിധ ആശുപത്രികളില്‍ ചികിത്സയിലുള്ളത് 6,68,154 പേരാണ്.