കുലുങ്ങി വിറച്ച് മ്യാന്മാറും തായ്ലന്ഡും: റോഡുകള് പിളര്ന്നു, കെട്ടിടം തകര്ന്ന് 43 പേരെ കാണാതായി
യാങ്കൂണ്: മ്യാൻമാറിലും അയല്രാജ്യമായ തായല്ന്ഡിലുമുള്ള ശക്തമായ ഭൂചലനത്തില് നിരവധി നാശനഷ്ടങ്ങള് റിപ്പോര്ട്ട് ചെയ്തു. തായ്ലന്ഡ് തലസ്ഥാനമായ ബാങ്കോക്കിലെ കെട്ടിടം തകര്ന്ന് 43 പേര് കുടുങ്ങിയതായാണ് വിവരം. ബാങ്കോക്കില് അടിയന്തരാവസ്ഥ പ്രഖ്യാപിച്ചിട്ടുണ്ട്. കെട്ടിടത്തില് 50 പേരുണ്ടായിരുന്നതായും ഏഴ് പേരെ പരിക്കുകളോടെ രക്ഷപ്പെടുത്തിയതായും തായ്ലന്ഡ് അധികൃതര് അറിയിച്ചു.
മ്യാന്മാറില് റിക്ടര് സ്കെയിലില് 7.7 ഉം 6.4 ഉം രേഖപ്പെടുത്തിയ രണ്ട് ശക്തമായ ഭൂചലനങ്ങളാണ് ഉണ്ടായത്. മ്യാന്മാറിലും കെട്ടിടങ്ങള് തകര്ന്നിട്ടുണ്ട്. മ്യാന്മാറിന്റെ തലസ്ഥാനമായ നയ്പിഡാവില് റോഡുകള് പിളര്ന്നു. ഇവിടുത്തെ ആളപായം സംബന്ധിച്ച് റിപ്പോര്ട്ടുകള് പുറത്തുവന്നിട്ടില്ല. തായ്ലന്ഡിലും മേഖലയിലെ മറ്റിടങ്ങളിലും ഭൂകമ്പത്തിന്റെ പ്രകമ്പനം അനുഭവപ്പെട്ടു.
പ്രാദേശിക സമയം വെള്ളിയാഴ്ച 12:50 ഓടെയാണ് ഭൂകമ്പം ഉണ്ടായത്.