സ്വന്തം ഭാര്യയോട് ഈ ക്രൂരത പാടില്ലായിരുന്നു , ശരീരശാസ്ത്രം അല്പമെങ്കിലും പിടിപാടുള്ള ആരും ഇങ്ങനെ ഒരു വ്യായാമം ഗർഭിണിയായ സ്ത്രീകളിൽ ഉപദേശിക്കില്ലായെന്ന് ഉറപ്പ് ; കൊഹ്’ലിക്കെതിരെ ഡോക്ടറുടെ കുറിപ്പ് വൈറൽ
ഇന്ത്യന്‍ താരം വിരാട് കോഹ്ലി തന്റെ ഭാര്യ അനുഷ്‌കയെ യോഗചെയ്യിപ്പിക്കുന്ന ചിത്രം കഴിഞ്ഞ ദിവസം സോഷ്യല്‍ മീഡിയയില്‍ ഏറെ ശ്രദ്ധ നേടിയിരുന്നു, ഗര്ഭിണിയായ ഭാര്യയെ തലകീഴായി നിര്‍ത്തിയിരിക്കുന്ന ചിത്രമാണ് സോഷ്യല്‍ മീഡിയില്‍ വൈറലായത്, ചിത്രത്തിന് നെഗറ്റീവായും പോസിറ്റീവായും നിരവധി പേരാണ് കമെന്റുമായി എത്തിയത്. ഇപ്പോള്‍ ഇതുമായി ബന്ധപ്പെട്ട് ഡോക്ടര്‍ സുല്‍ഫി സുനു പങ്കുവെച്ച പോസ്റ്റാണ് ഏറെ ശ്രദ്ധ നേടുന്നത്.
ഡോക്ടറുടെ കുറിപ്പ് ഇങ്ങനെ
പ്രിയപ്പെട്ട കോഹ്ലി❗
സ്വന്തം ഭാര്യയോട് ഈ ക്രൂരത പാടില്ലായിരുന്നു. വിവിഎസ് ലക്ഷ്മണിനുശേഷം താങ്കളുടെ ക്രിക്കറ്റ് ഷോട്ടുകളാണ് മറ്റ് പലരെയും പോലെ , ഞാനും, ഏറ്റവും കൂടുതല്‍ ആസ്വദിച്ചത്. ഈ ഷോട്ട് വളരെ ക്രൂരമായിപ്പോയി. ഭാര്യയോട് മാത്രമല്ല കുട്ടിയോടും.
ശരീരശാസ്ത്രം അല്പമെങ്കിലും പിടിപാടുള്ള ആരും ഇങ്ങനെ ഒരു വ്യായാമം ഗര്ഭിണിയായ സ്ത്രീകളില്‍ ഉപദേശിക്കില്ലയെന്ന് ഉറപ്പ്. ഈ ഫോട്ടോ കണ്ടു ഇതുപോലെ ഭാര്യയെ തലകുത്തി നിര്‍ത്തുന്ന അഭ്യാസം കാണിക്കുന്നവര്‍ ഒന്നോര്‍ക്കണം. ഭാര്യ ശിഷ്ടകാലം പാരാപ്ലീജിയ വന്ന് കട്ടിലില്‍ തന്നെ കിടപ്പായേക്കാം. കുട്ടിയുടെ ജീവന്‍ നഷ്ടപ്പെടാനും നല്ല സാദ്ധ്യത. എന്നാലും കോഹ്ലി ഈ കവര്‍ ഡ്രൈവ് വേണ്ടായിരുന്നു. ഡോ സുല്‍ഫി നൂഹു