ഇറ്റലിയില് കേബ്ള് കാര് തകര്ന്ന് വീണ് അഞ്ച് ഇസ്രായേലികൾ ഉൾപ്പെടെ 14 മരണം
റോം: ഇറ്റലിയുടെ വടക്കൻ മേഖലയിൽ സഞ്ചാരികളുമായി പോയ കാബ്ൾ കാർ തകർന്നുവീണ് ഒരു കുട്ടിയടക്കം 14 പേർ കൊല്ലപ്പെട്ടു.റിസോർട്ട് നഗരമായ സ്ട്രസയിൽനിന്ന് സമീപത്തെ പീഡ്മോണ്ടിലുള്ള മൊട്ടറോൺ മലനിരകളിലേക്ക് പോകുന്നതിനിടെയാണ് അപകടം. അഞ്ചു പേർ ഇസ്രായേലികളാണെന്ന് സ്ഥിരീകരിച്ചിട്ടുണ്ട്. ഞായറാഴ്ച പ്രാദേശിക സമയം12.30 ഓടെയാണ് അപകടമുണ്ടായത്. മലമുകളിലെത്തുന്നതിന് 300 മീറ്റർ മുമ്പാണ് കാർ തകർന്നു വീണത്. താഴോട്ട് ഏറെദൂരം ഉരുണ്ടുവീണ കാബ്ൾ കാർ മരങ്ങളിൽ തട്ടിയാണ് നിന്നത്. പരിസരത്ത് മല കയറുന്നവർ ശബ്ദം കേട്ട് ഓടിയെത്തിയാണ് രക്ഷാ പ്രവർത്തനം