കനത്ത മഴ; മുല്ലപ്പെരിയാര് ജലനിരപ്പ് ഉയരുന്നു, ആദ്യഘട്ട മുന്നറിയിപ്പ് പുറപ്പെടുവിച്ചു
മുല്ലപ്പെരിയാര് അണക്കെട്ടിലെ ജലനിരപ്പ് 136 അടി പിന്നിട്ടതോടെ ആദ്യഘട്ട മുന്നറിയിപ്പ് പുറപ്പെടുവിച്ചു. 138 അടിയിലെത്തിയാല് രണ്ടാംഘട്ട മുന്നറിയിപ്പ് നല്കും. വൃഷ്ടി പ്രദേശത്ത് ശക്തമായ മഴ തുടരുന്നുണ്ട്.
142 അടിയാണ് പരമാവധി സംഭരണ ശേഷിയെന്നിരിക്കെ, ജലനിരപ്പ് 140 അടിയിലെത്തിയാല് ഒന്നാമത്തെ ജാഗ്രതാ നിര്ദ്ദേശം നല്കും. 142 അടിയില് അണക്കെട്ടിന്റെ സ്പില്വേ ഷട്ടറുകള് ഉയര്ത്തി വെള്ളമൊഴുക്കേണ്ടി വന്നാല് ആവശ്യമായ മുന്കരുതലുകള് സ്വീകരിക്കാന് ഇടുക്കി ജില്ലാ കളക്ടര് നിര്ദ്ദേശം നല്കി.
പെരിയാറിന്റെ ഇരുകരകളിലുമുള്ളവരെ മാറ്റിപ്പാര്പ്പിക്കാന് കെട്ടിടങ്ങള് കണ്ടെത്താന് നിര്ദ്ദേശം നല്കിയിട്ടുണ്ട്. കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.