കാഞ്ഞങ്ങാട് ജില്ലാ ആശുപത്രിയില് ഓക്സിജന് പ്ലാന്റ് യാഥാര്ത്ഥ്യത്തിലേക്ക്
കാഞ്ഞങ്ങാട്: ജില്ലാ ആശുപത്രിയില് ഓക്സിജന് പ്ലാന്റ് യാഥാര്ത്ഥ്യമാകുന്നു. 1.87കോടിരൂപ ചെലവില് 80 ദിവസത്തിനകം പ്ലാന്റിന്റെ നിര്മ്മാണം പൂര്ത്തിയാക്കാനായിരുന്നു നിര്ദ്ദേശം. പ്ലാന്റിന്റെ നിര്മ്മാണചുമതല കൊച്ചി ആസ്ഥാനമായ കെയര് സിസ്റ്റംസിനായിരുന്നു. പദ്ധതിയുടെ 20 ശതമാനം തുക മുന്കൂര് ആയി നല്കും. 50 ശതമാനം തുക പ്ലാന്റ് സ്ഥാപിക്കുമ്ബോഴും ബാക്കിയുള്ള 30 ശതമാനം നിര്മ്മാണ പൂര്ത്തീകരണ സമയത്തും നല്കും.
കേരളത്തിന്റെ പുറത്ത് വിവിധ ഭാഗങ്ങളില് ഓക്സിജന് പ്ലാന്റ് സ്ഥാപിച്ച ഏജന്സിയാണ് കെയര് സിസ്റ്റംസ്. ജില്ലാ പഞ്ചായത്തിന്റെ ആഭിമുഖ്യത്തില് ജില്ലയിലെ തദ്ദേശഭരണ സ്ഥാപനങ്ങളുടെയും ജില്ല ഭരണകൂടത്തിന്റെയും കൂട്ടായ്മയിലാണ് ഓക്സിജന് പ്ലാന്റ് പദ്ധതി നടപ്പിലാക്കുന്നത്.
ഓക്സിജന് പ്രതിസന്ധി മറികടക്കുകയെന്ന ലക്ഷ്യത്തോടെയാണ് ജില്ലയില് തന്നെ ഒരു ഓക്സിജന് പ്ലാന്റ് എന്ന ആശയം ജില്ലാ ഭരണ നേതൃത്വം മുന്നോട്ട് വെച്ചത്. ജില്ല വ്യവസായ കേന്ദ്രം മാനേജര് ആണ് പദ്ധതിയുടെ നിര്വ്വഹണ ഉദ്യോഗസ്ഥന്.
പ്ളാന്റിനായി ഭൂമിക്ക് പുറമെ 50 ലക്ഷം രൂപയും ജില്ല പഞ്ചായത്ത് നല്കുന്നു. ജില്ലയിലെ മുഴുവന് ഗ്രാമ-ബ്ലോക്ക് പഞ്ചായത്തുകളും നഗരസഭകളും പദ്ധതിക്കായി തുക വകയിരുത്തിയിട്ടുണ്ട്. പ്ലാന്റിന്റെ സിവില് പ്രവൃത്തികള് നിര്മ്മിതി കേന്ദ്രമാണ് നടപ്പിലാക്കിയത്.
ഉത്പാദന ശേഷി
പ്രതിദിനം
200
സിലിണ്ടര്