കൊവിഡ് വ്യാപന സാഹചര്യം ചര്ച്ച ചെയ്യാന് ഇന്ന് മന്ത്രിസഭാ യോഗം; വിദേശത്തുള്ള മുഖ്യമന്ത്രി ഓണ്ലൈനായി പങ്കെടുക്കും
തിരുവനന്തപുരം | സംസ്ഥാനത്ത് രൂക്ഷമാകുന്ന കൊവിഡ് വ്യാപന സാഹചര്യം ഇന്ന് മന്ത്രിസഭായോഗം ചര്ച്ച ചെയ്യും. അമേരിക്കയില് ചികിത്സയിലുള്ള മുഖ്യമന്ത്രി പിണറായി വിജയന് ഓണ്ലൈനായി മന്ത്രിസഭായോഗത്തില് പങ്കെടുക്കും.
നാളെ മുഖ്യമന്ത്രിയുടെ അധ്യക്ഷതയില് കൊവിഡ് അവലോകന യോഗവും ചേരുന്നുണ്ട്. അതിനു മുന്നോടിയായി ജില്ലകളിലെ സാഹചര്യങ്ങള് മന്ത്രിമാര് വിശദീകരിക്കും. സംസ്ഥാനത്ത് ഏതെല്ലാം മേഖലകളില് നിയന്ത്രണം വേണമെന്ന കാര്യത്തിലും പ്രാഥമിക ചര്ച്ചകള് മന്ത്രിസഭായോഗത്തില് ഉണ്ടാകും.