ഹൃദയമിടിപ്പും രക്തസമ്മര്ദവും സാധാരണ നിലയില്; വാവ സുരേഷിന്റെ ആരോഗ്യ നിലയില് നേരിയ പുരോഗതി
കോട്ടയം: പാമ്ബ് കടിയേറ്റ് ചികിത്സയില് കഴിയുന്ന വാവ സുരേഷിന്റെ ആരോഗ്യ നിലയില് നേരിയ പുരോഗതി. രക്തസമ്മര്ദവും ഹൃദയമിടിപ്പും സാധാരണ നിലയിലായി.
തലച്ചോറിന്റെ പ്രവര്ത്തനത്തിലും നേരിയ പുരോഗതിയുണ്ട്. കോട്ടയം മെഡിക്കല് കോളേജിലെ തീവ്രപരിചരണ വിഭാഗത്തിലാണ് അദ്ദേഹം ഇപ്പോഴുള്ളത്.
മൂര്ഖനെ പിടിച്ച് ചാക്കില് കയറ്റുന്നതിനിടെ വാവ സുരേഷിന്റെ തുടയിലാണ് കടിയേറ്റത്. ഇന്നലെ വൈകിട്ട് നാലോടെയായിരുന്നു സംഭവം. കുറിച്ചി പാട്ടാശ്ശേരിയില് വാണിയപ്പുരയ്ക്കല് ജലധരന്റെ വീട്ടില്നിന്നാണ് വാവ സുരേഷ് പാമ്ബിനെ പിടികൂടിയത്.
കടി വിടാതിരുന്ന പാമ്ബിനെ സുരേഷ് ബലമായാണ് വലിച്ചു മാറ്റിയത്. നിലത്തുവീണ പാമ്ബ് കല്ക്കെട്ടിനകത്തേക്കു ഇഴഞ്ഞു പോയെങ്കിലും വീണ്ടും പിടികൂടി ചാക്കിലാക്കി. അസ്വസ്ഥത അനുഭവപ്പെട്ടതോടെ തന്നെ ആശുപത്രിയിലെത്തിക്കണമെന്ന് സുരേഷ് ആവശ്യപ്പെടുകയായിരുന്നു.
കോട്ടയം മെഡിക്കല് കോളേജ് ആശുപത്രിയിലേക്ക് കൊണ്ടുപോകുന്നതിനിടെ സുരേഷ് ബോധരഹിതനായി.തുടര്ന്ന് അടുത്തുള്ള ആശുപത്രിയില് എത്തിച്ച് ആന്റിവെനം നല്കി. ഹൃദയമിടിപ്പ് താഴുകയും തലച്ചോറിന്റെ പ്രവര്ത്തനം ആശങ്കാജനകമാവുകയും ചെയ്തതോടെ കോട്ടയം മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു.