അതിദാരുണം; ചെറുന്നിയൂരില് വീടിന് തീപിടിച്ച് പിഞ്ചുകുഞ്ഞുള്പ്പെടെ 5പേര് വെന്തു മരിച്ചു; ഒരാള്ക്ക് ഗുരുതര പരിക്ക്
വര്ക്കല: ചെറുന്നിയൂര് (cherunniyoor)ബ്ലോക്ക് ഓഫിസിന് സമീപം വീടിന് തീപിടിച്ച്(fire) പിഞ്ച് കുഞ്ഞ് ഉള്പ്പെടെ അഞ്ചുപേര് മരിച്ചു(five people died). പുലര്ച്ചെ ആണ് സംഭവം. വീട്ടുടമസ്ഥന് ബേബിേ എന്ന പ്രതാപന്(62), ഭാര്യ ഷെര്ലി(53), ഇവരുടെ മകന് അഹില്(25), മറ്റൊരു മകന്റെ ഭാര്യ അഭിരാമി(24), നിഹുലിന്റേയും അഭിരാമിയുടെയും എട്ട് മാസം പ്രായമുള്ള ആണ് കുഞ്ഞ് എന്നിവര് ആണ് മരിച്ചത്.ഗുരുതരമായ പരിക്കേറ്റ മൂത്ത മകന് നിഹുലിനെ(29) തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി.
രണ്ട് നില കെട്ടിടത്തിനാണ് തീ പിടിച്ചത്. കാര്പോര്ച്ചില് തീളി ആളിക്കത്തുന്നത് കണ്ട അയല്വാസിയായ കെ ശശാങ്കനാണ് നാട്ടുകാരെ വിവരം അറിയിച്ചത്. ആളുകള് എത്തുമ്ബോഴേക്കും വീടിനുള്ളിലേക്ക് തീ പടര്ന്നു പിടിച്ചിരുന്നു. കാര്പോര്ച്ചിലുണ്ടായിരുന്ന നാല് ബൈക്കുകള് കത്തിയിട്ടുണ്ട്.
പുലര്ച്ചെ 1.40 ആയപ്പോള് തീ കത്തുന്നതും പൊട്ടിത്തെറിയുടെ ശബ്ദം കേള്ക്കുകയും ചെയ്തതോടെ അയല്വാസിയായ ശശാങ്കന്റെ മകള് നിഹുലിനെ ഫോണില് വിളിച്ചിരുന്നു എന്ന് ആ കുട്ടി പറയുന്നു. നിഹുല് ഫോണ് എടുത്ത് സംസാരിച്ചെങ്കിലും പുറത്തേക്ക് വന്നില്ല. കുറച്ചു സമയശേഷം നിഹുല് പുറത്തേക്ക് വന്നെങ്കിലും മറ്റാരും പുറത്തേക്ക് എത്തിയില്ല.
തീ ഉയരുന്നത് കണ്ട് നാട്ടുകാര് അറിയിച്ചതനുസരിച്ച് എത്തിയ ഫയര് ഫോഴ്സും പൊലീസും ചേര്ന്ന് ആണ് തീയണച്ചത്. തീ പടരുന്നതിനിടെ പൊള്ളലേറ്റ നിലയില് നിഹില് പുറത്തേക്ക് വന്നതായി നാട്ടുകാര് പറയുന്നുണ്ട്. ഇയാളെ വാഹനത്തില് ആശുപുത്രിയിലേക്ക് മാറ്റി. നിലവിളിച്ച് ബഹളം ഉണ്ടാക്കിയിട്ടും വീട്ടിലുള്ള മറ്റുള്ളവര് ആരും പുറത്തിറങ്ങിയില്ല.എസി അടക്കം ഉപയോഗിച്ചതിനാല് മുറികള് ലോക്ക് ആയതും പുക കയറി ബോധം പോയതുമാകാം പ്രതികരിക്കാന് കഴിയാത്ത സാഹചര്യത്തിലേക്ക് വീട്ടുകാരെ എത്തിച്ചതെന്നാണ് നിഗമനം.
വീടിന്റെ ഗേറ്റ് ഉള്ളില് നിന്നും പൂട്ടിയിരുന്നതിനാല് നാട്ടുകാര്ക്ക് ആദ്യം അകത്തേക്ക് പ്രവേശിക്കാനായില്ല. മാത്രവുമല്ല വളര്ത്തുനായ ഉളളതും നാട്ടുകാരുടെ രക്ഷാ പ്രവര്ത്തനം വൈകാനിടയായി.
ഫയര്ഫോഴ്സും പൊലീസും എത്തി വീട്ടിലുണ്ടായിരുന്നവരെ പുറത്തേക്കെടുക്കുമ്ബോഴേക്കും അഞ്ചുപേരുടേയും മരണം സംഭവിച്ചിരുന്നു. ഗുരുതരമായി പൊളളലേറ്റ നിഹുലിനെ നഗരത്തിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.
വര്ക്കല പുത്തന് ചന്തയിലെ പച്ചക്കറി മൊത്ത വ്യാപാരിയാണ് പ്രതാപന്. പ്രതാപന് മൂന്ന് ആണ് മക്കളാണ് ഉള്ളത്. ഇതില് മൂത്ത മകന് അഖില് വിദേശത്താണ്. മരണ വിവരം മൂത്ത മകനെ അറിയിച്ചിട്ടുണ്ട്. മൂത്ത മകനും കുടുംബവും ഇന്ന് തന്നെ എത്തുമെന്നാണ് വിവരം. അതിനുശേഷമാകും സംസ്കാര ചടങ്ങുകള് അടക്കം നടക്കുക. മരിച്ച അഹിലും ഗുരുതരമായി പൊള്ളലേറ്റ നിഹുലും പ്രതാപന്റെ പച്ചക്കറി മൊത്ത വ്യാപാരത്തില് പങ്കാളികളായിരുന്നു
വന് ദുരന്തം ഉണ്ടായതോടെ റൂറല് എസ് പി ദിവ്യ ഗോപിനാഥ് അടക്കം സംഭവ സ്ഥലത്തെത്തി. തീപിടിത്തത്തിന്റെ കാരണം അടക്കം പൊലീസ് അന്വേഷിക്കുന്നുണ്ട്. ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. എല്ലാ മുറികളിലും എസിയും പ്രവര്ത്തിക്കുന്നുണ്ടായിരുന്നു. ഇന്ക്വസ്റ്റ് തയാറാക്കി പോസ്റ്റുമോര്ട്ടവും നടത്തിയശേഷമാകും സംസ്കാരം .
ഗുരുതരമായി പൊള്ളലേറ്റ് ചികില്സയിലുള്ള നിഹിലില് നിന്ന് മൊഴി എടുത്താല് മാത്രമേ എന്താണ് സംഭവിച്ചത് എന്നതില് വ്യക്തത വരികയുള്ളൂ. പച്ചക്കറി മൊത്ത വ്യാപാരം നടത്തുന്ന പ്രതാപനെ കുറിച്ചും വീട്ടുകാരെ കുറിച്ചും നാട്ടുകാര്ക്ക് നല്ലതേ പറയാനുള്ളു. എല്ലാവരേയും സഹായിക്കുന്ന ആളായിരുന്നു പ്രതാപനെന്ന് നാട്ടുകാര് പറയുന്നു. സാമ്ബത്തികമായി മികച്ച നിലയിലുള്ള കുടുംബമായിരുന്നു പ്രതാപന്റേതെന്നും നാട്ടുകാര് പറയുന്നുണ്ട്.
പിഞ്ചുകുഞ്ഞടക്കം വെന്തുമരിച്ച അതിദാരുണ സംഭവത്തിന്റെ ഞെട്ടലിലാണ് നാട്ടുകാര്. അവര് ഇപ്പോഴും ആ ഭയത്തില് നിന്ന് മോചിതരായിട്ടില്ല.