പതിവ് തെറ്റിയില്ല , പെട്രോളിന് 87 പൈസയും ഡീസലിന് 84 പൈസയും കൂടി. സെഞ്ച്വറി അടിച്ച് ഡീസല് വില
ദില്ലി: രാജ്യത്തെ പതിവുപോലെ ഇന്നും ഇന്ധന വില കൂട്ടി()fuel price hike). പെട്രോള്(petrol) ലീറ്ററിന് 87 പൈസയും ഡീസലിന്(diesel) 84 പൈസയുമാണ് കൂട്ടിയത്. ഇതോടെ സംസ്ഥാനത്ത് ഡീസില് വില വീണ്ടും നൂറ് കടന്നു. തിരുവനന്തപുരത്ത് ഡീസല് വില 100 രൂപ 14 പൈസയാണ്.പതിനൊന്ന് ദിവസത്തിനിടെ പെട്രോളിന് ഏഴുരൂപയോളം കൂടി.ഡീസല്ലിന് 6രൂപ 74 പൈസയാണ് കൂട്ടിയത്.
കഴിഞ്ഞ വര്ഷം ഒക്ടോബര് 11ന് സംസ്ഥാനത്ത് ഡീസല് വീല 100 കടന്നിരുന്നു. എന്നാല് നവംബറില് എക്സൈസ് ഡ്യൂട്ടി കുറച്ചപ്പോള് വില നൂറില് നിന്ന് താഴുകയായിരുന്നു
അഞ്ച് സംസ്ഥാനങ്ങളിലെ തിരഞ്ഞെടുപ്പിനെത്തുടര്ന്ന് കഴിഞ്ഞ നാല് മാസമായി ഇന്ധന വില വര്ധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെ ഇന്ധന വില കുത്തനെ ഉയരുമെന്ന് റിപ്പോര്ട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്ബനികള് വീണ്ടും വില വര്ധിപ്പിച്ച് തുടങ്ങിയത്. വരും ദിവസങ്ങളിലും ഇന്ധന വില കൂടുമെന്നാണ് കരുതുന്നത്.
തെരഞ്ഞെടുപ്പിന് മുന്പ് അവസാനം ഇന്ധന വിലയില് മാറ്റം വന്നപ്പോഴുള്ള ക്രൂഡ് ഓയില് വില 82 ഡോളറിനരികെയായിരുന്നു. ഇപ്പോള് 120 ഡോളറിന് അരികിലാണ് വില. അതു കൊണ്ട് വില പതുക്കെ കൂടാനാണ് സാധ്യത. ഇതോടെ എല്ലാ മേഖലയിലും വിലക്കയറ്റവും കൂടും. ക്രൂഡ് ഓയില് വില ഉയര്ന്നിട്ടും രാജ്യത്തെ റീടെയ്ല് പെട്രോള്, ഡീസല് വില വര്ധിപ്പിക്കാത്തത് എണ്ണക്കമ്ബനികള്ക്ക് തിരിച്ചടിയായെന്ന് മൂഡിസ് ഇന്വെസ്റ്റര് സര്വീസിന്റെ കണക്ക്. ഇന്ത്യന് ഓയില് കോര്പറേഷന്, ബിപിസിഎല്, എച്ച്പിസിഎല് തുടങ്ങിയ കമ്ബനികള്ക്ക് 2.25 ബില്യണ് ഡോളറിന്റെ നഷ്ടമാണ് ഉണ്ടായത്. അതായത് 19000 കോടി ഇന്ത്യന് രൂപ.
കേന്ദ്രത്തെ വിറപ്പിക്കാന് കോണ്ഗ്രസ്; രാജ്യവ്യാപക പ്രക്ഷോഭം,സിലിണ്ടറുകളില് മാലചാര്ത്തി പ്രതിഷേധം ഇന്ന്
ദില്ലി: ഇന്ധന വിലവര്ധനവില് കേന്ദ്ര സര്ക്കാരിനെതിരേയുള്ള കോണ്ഗ്രസിന്റെ പ്രതിഷേധ പരിപാടികള്ക്ക് ഇന്ന് തുടക്കമാകും. വിലക്കയറ്റരഹിത ഭാരത പ്രചാരണം എന്ന് പേരിട്ടിരിക്കുന്ന സമരത്തില് ഇന്ന് രാവിലെ 11 മണിക്ക് വീടുകള്ക്ക് മുമ്ബിലും പൊതുസ്ഥലങ്ങളിലും ഗ്യാസ് സിലിണ്ടറുകളില് മാലചാര്ത്തി പ്രതിഷേധിക്കും. സിലിണ്ടറിന് മുന്നില് നിന്ന് ചെണ്ട കൊട്ടിയും മണിയടിച്ചും പ്രതിഷേധിക്കാനും കോണ്ഗ്രസ് ആഹ്വാനം ചെയ്തിട്ടുണ്ട്. ഇന്ന് മുതല് ഒരാഴ്ച നീളുന്ന രാജ്യവ്യാപക പ്രതിഷേധ പരിപാടികളാണ് സംഘടിപ്പിക്കുക.
ജില്ലകള് കേന്ദ്രീകരിച്ചുള്ള പ്രതിഷേധ ധര്ണയും വരും ദിവസങ്ങളില് നടക്കും. രാജ്യത്ത് പെട്രോളിന്റെയും ഡീസലിന്റെയും വില ഇന്നും കൂടിയിരുന്നു. ഒരു ലിറ്റര് പെട്രോളിന് 87 പൈസയും ഡീസലിന് 84 പൈസയുമാണ് ഇന്നലെ വര്ധിച്ചത്.പത്ത് ദിവസത്തിനിടെ ഉണ്ടാവുന്ന ഒമ്ബതാമത്തെ വര്ധനയാണിത്. ഇതിനോടകം ആറ് രൂപയിലധികം പെട്രോളിനും ഡീസലിനും വില വര്ധിച്ചിട്ടുണ്ട്. ഇത് രാജ്യത്ത് കര്പ്പൂരം മുതല് കംപ്യൂട്ടര് വരെ സകല സാധനങ്ങളുടെയും സേവനങ്ങളുടെയും വില വര്ധിക്കാന് കാരണമാകും.
രാജ്യത്തെ നിത്യോപയോഗ സാധനങ്ങളുടെയും പൊതുഗതാഗത സംവിധാനങ്ങളുടെയും വിലയെയും നിരക്കുകളെയും ഇത് ബാധിക്കുകയും ചെയ്യും. അഞ്ച് സംസ്ഥാനങ്ങളിലെ തെരഞ്ഞെടുപ്പിനെത്തുടര്ന്ന് കഴിഞ്ഞ നാല് മാസമായി ഇന്ധന വില വര്ധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെ ഇന്ധന വില കുത്തനെ ഉയരുമെന്ന് റിപ്പോര്ട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്ബനികള് വീണ്ടും വില വര്ധിപ്പിച്ച് തുടങ്ങിയത്.