സംസ്ഥാനത്ത് ഇന്നും മഴയ്ക്ക് സാധ്യത
സംസ്ഥാനത്ത് ഇന്നും മഴയ്ക്ക് സാധ്യത. ജില്ലകളിലൊന്നും മഴ മുന്നറിയിപ്പ് നല്കിയിട്ടില്ലെങ്കിലും ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ട്. മഴക്കൊപ്പം ഇടിമിന്നലും കാറ്റുമുണ്ടാകും. നാളെ ഉച്ചയോടെ തെക്കന് കേരളത്തിലും മധ്യകേരളത്തിലും വീണ്ടും മഴ കനക്കും. ബുധനാഴ്ചയും വ്യാഴാഴ്ചയും കൂടുതല് മഴയ്ക്ക് സാധ്യതയുണ്ട്. വടക്കന് കേരളത്തിലെ കിഴക്കന് മേഖലയിലും വലിയതോതില് മഴ ലഭിക്കും.
തെക്ക് പടിഞ്ഞാറന് ബംഗാള് ഉള്ക്കടലിലെ ചക്രവാതച്ചുഴിയാണ് നിലവിലെ മഴയ്ക്ക് കാരണം. കടല് പ്രക്ഷുബ്ധമാകാന് സാധ്യതയുള്ളതിനാല് മത്സ്യതൊഴിലാളികള് ജാഗ്രത പാലിക്കണമെന്നും നിര്ദേശം ഉണ്ട്.