സ്കൂട്ടറിന് പിന്നില് ലോറിയിടിച്ച് മുത്തച്ഛനും പേരക്കുട്ടിക്കും ദാരുണാന്ത്യം
കണ്ണൂര്: കണ്ണൂര് പള്ളിക്കുളത്ത് വാഹനാപകടത്തില് ഏഴ് വയസുകാരന് ഉള്പ്പെടെ രണ്ടുപേര് മരിച്ചു. സ്കൂട്ടര് യാത്രക്കാരായ ഇടച്ചേരി കെമ്പ്രക്കാവില് മഹേഷ് ബാബുവും അദ്ദേഹത്തിന്റെ മകളുടെ മകനായ ആഗ്നേയുമാണ് മരിച്ചത്. കണ്ണൂരില് നിന്ന് പുതിയകാവിലേക്ക് പോവുകയായിരുന്ന സ്കൂട്ടറിന് പിന്നില് ലോറി ഇടിച്ചാണ് അപകടമുണ്ടായത്.
ദേശീയപാതയില് വെള്ളിയാഴ്ച രാവിലെ 10.45ഓടെയാണ് ദാരുണമായ അപകടമുണ്ടായത്. മഹേഷ് ബാബുവും പേരക്കുട്ടിയും സഞ്ചരിച്ച സ്കൂട്ടറിന് പിറകില് ഗ്യസ് സിലിണ്ടറുമായെത്തിയ ലോറി ഇടിക്കുകയായിരുന്നു. ഇടിയുടെ ആഘാതത്തില് റോഡിലേക്ക് വീണ ഇരുവരുടെയും ശരീരത്തിലൂടെ ലോറി കയറിയിറങ്ങുകയായിരുന്നു. ഇരുവരും തല്ക്ഷണം മരിച്ചു.