ആന്റിവെെറല് മരുന്നുകള് കുരങ്ങുപനിയുടെ ലക്ഷണങ്ങള് കുറയ്ക്കും; ലാന്സെറ്റ് പഠനം
ചില ആന്റിവൈറല് മരുന്നുകള് (Antiviral drugs) കുരങ്ങുപനിയുടെ (monkeypox) ലക്ഷണങ്ങള് കുറയ്ക്കാന് സഹായിക്കുമെന്ന് പഠനം. 2018 നും 2021 നും ഇടയില് യുകെയില് അപൂര്വ വൈറല് രോഗം കണ്ടെത്തിയ ഏഴ് രോഗികളില് നടത്തിയ പഠനത്തിലാണ് ഈ കണ്ടെത്തല്. ലാന്സെറ്റ് ഇന്ഫെക്ഷ്യസ് ഡിസീസസ് ജേണലില് പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നത്.
രോഗം ചികിത്സിക്കുന്നതിനായി രണ്ട് വ്യത്യസ്ത ആന്റി വൈറല് മരുന്നുകളായ ബ്രിന്സിഡോഫോവിര് (brincidofovir), ടെകോവിരിമാറ്റ് (tecovirimat) എന്നിവയുടെ ആദ്യത്തെ ഓഫ്-ലേബല് ഉപയോഗത്തോടുള്ള രോഗിയുടെ പ്രതികരണവും പരിശോധിച്ചു.
ബ്രിന്സിഡോഫോവിറിന് (brincidofovir) ക്ലിനിക്കല് ഗുണം ഉണ്ടെന്ന് പഠനത്തില് കുറച്ച് തെളിവുകള് കണ്ടെത്തിയെങ്കിലും ടെക്കോവിരിമാറ്റിന്റെ സാധ്യതകളെക്കുറിച്ചുള്ള കൂടുതല് ഗവേഷണം ആവശ്യമാണെന്ന് ഗവേഷകര് പറഞ്ഞു. രക്തത്തിലും തൊണ്ടയിലെ സ്രവങ്ങളിലും മങ്കിപോക്സ് വൈറസ് കണ്ടെത്തിയതായും ഗവേഷകര് റിപ്പോര്ട്ട് ചെയ്യുന്നു. രോഗത്തിന്റെ ക്ലിനിക്കല് സവിശേഷതകളും ട്രാന്സ്മിഷന് ഡൈനാമിക്സും കൂടുതല് മനസ്സിലാക്കാനുള്ള ആഗോള ശ്രമങ്ങളെ അറിയിക്കാന് പഠനത്തില് നിന്നുള്ള ഡാറ്റ സഹായിക്കുമെന്ന് അവര് പറഞ്ഞു.
ചരിത്രപരമായി കുരങ്ങുപനി ആളുകള്ക്കിടയില് വളരെ കാര്യക്ഷമമായി പകരുന്നില്ല. മൊത്തത്തില് പൊതുജനാരോഗ്യത്തിനുള്ള അപകടസാധ്യത കുറവാണ്…” – യുകെയിലെ ലിവര്പൂള് യൂണിവേഴ്സിറ്റി ഹോസ്പിറ്റല്സ് എന്എച്ച്എസ് ഫൗണ്ടേഷന് ട്രസ്റ്റിലെ ഹ്യൂ അഡ്ലര് പറഞ്ഞു.
ലോകമെമ്ബാടുമുള്ള പൊതുജനാരോഗ്യ ഉദ്യോഗസ്ഥരും ആരോഗ്യ പ്രവര്ത്തകരും പുതിയ കുരങ്ങുപനി കേസുകളുടെ സാധ്യതയെക്കുറിച്ച് ജാഗ്രത പാലിക്കണമെന്ന് ഗവേഷകര് പറയുന്നു. അപൂര്വ രോഗങ്ങളിലൊന്നാണ് മങ്കിപോക്സ് എന്ന് യുകെ ഹെല്ത്ത് സെക്യൂരിറ്റി ഏജന്സി ഹൈ കണ്സീക്വന്സ് ഇന്ഫെക്ഷ്യസ് ഡിസീസ് (എച്ച്സിഐഡി) വ്യക്തമാക്കി. മങ്കിപോക്സിന് നിലവില് ചികിത്സകളൊന്നുമില്ല. ഈ രോഗത്തിന്റെ, ഇന്കുബേഷന് കാലയളവ് അഞ്ച് മുതല് 21 ദിവസം വരെയാണ്.
വസൂരി ചികിത്സിക്കുന്നതിനായി വികസിപ്പിച്ച ആന്റിവൈറല് മരുന്നുകളോട് രോഗികളുടെ പ്രതികരണവും ഗവേഷകര് റിപ്പോര്ട്ട് ചെയ്തു.– ബ്രിന്സിഡോഫോവിര്, ടെക്കോവിരിമാറ്റ് — ഇവ മുമ്ബ് മൃഗങ്ങളില് കുരങ്ങുപനിക്കെതിരെ ചില കാര്യക്ഷമത തെളിയിച്ചിട്ടുണ്ട്.
കുരങ്ങുപനി ; രോഗികളുടെ എണ്ണം ഇനിയും വര്ദ്ധിച്ചേക്കാമെന്ന് ലോകാരോഗ്യ സംഘടന