വിവാദ വ്യവസായി ഷൈബിനെ സഹായിച്ച ‘പൊലീസ് ബുദ്ധി’ സുന്ദരൻ കീഴടങ്ങി
നിലമ്പൂർ ∙ മൈസൂരു സ്വദേശിയായ നാട്ടുവൈദ്യൻ ഷാബ ഷെരീഫിനെ നിലമ്പൂരിലെ വീട്ടിൽ മാസങ്ങളോളം പീഡിപ്പിച്ചു കൊലപ്പെടുത്തിയ കേസിലെ മുഖ്യ പ്രതി ഷൈബിൻ അഷറഫിന്റെ സഹായി റിട്ടയേർഡ് എസ്ഐ സുന്ദരൻ സുകുമാരൻ കോടതിയിൽ കീഴടങ്ങി. മുട്ടം ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിലാണ് കീഴടങ്ങിയിരിക്കുന്നത്. നേരത്തെ ഇയാളുടെ മുൻകൂർ ജാമ്യാപേക്ഷ കോടതി തള്ളിയിരുന്നു. ഷൈബിൻ അഷറഫിന്റെ ജാമ്യാപേക്ഷയും ഇന്നു ഹൈക്കോടതി തള്ളിയിട്ടുണ്ട്.