ചുംബന മത്സരം നടത്തിയ വിദ്യാര്ഥികള് കോളേജ് വിട്ടു, സ്വയം ടിസി വാങ്ങിയതാണെന്ന് കോളേജ് അധികൃതര്
മംഗളൂരു: മംഗളൂരുവില് വിവാദമായ ലിപ് ലോക്ക് ചലഞ്ച് നടത്തിയ വിദ്യാര്ഥികളെ കോളേജില് നിന്ന് പുറത്താക്കി. സ്വകാര്യ പിയു കോളജിലെ വിദ്യാര്ഥികളാണ് സ്വകാര്യ അപ്പാര്ട്ട്മെന്റില് ചുംബന മത്സരം നടത്തിയത്. വീഡിയോ ദൃശ്യങ്ങള് വൈറലായതിനെ തുടര്ന്ന് പൊലീസ് കേസെടുത്തിരുന്നു. രണ്ട് പെണ്കുട്ടികള് ഉള്പ്പെടെ ഏഴ് വിദ്യാര്ത്ഥികളാണ് വീഡിയോയിലുള്ളതെന്ന് കോളേജ് പ്രിന്സിപ്പല് പറഞ്ഞു. അവരില് ഒരാളെ ലൈംഗികമായും പീഡിപ്പിച്ചു. ഏഴ് പേരെയാണ് കോളേജ് പുറത്താക്കിയത്. അഞ്ചുപേര്ക്ക് ട്രാന്സ്ഫര് സര്ട്ടിഫിക്കറ്റ് കൈമാറി. രണ്ടുപേര് ടിസി വാങ്ങിയിട്ടില്ലെന്നും പ്രിന്സിപ്പാള് അറിയിച്ചു.
എല്ലാ വിദ്യാര്ത്ഥികളും സയന്സ് വിഭാഗത്തില് നിന്നുള്ളവരാണെന്നും കോളേജ് അധികൃതര് പറഞ്ഞു. അടുത്തിടെ നടന്ന സപ്ലിമെന്ററി പരീക്ഷ എഴുതാന് കഴിയാത്തതിനാല് ചിലര്ക്ക് കോളേജില് പഠനം തുടരാന് കഴിയില്ല. പഠിക്കാന് അര്ഹതയുള്ള മറ്റ് മൂന്ന് പേര് ട്രാന്സ്ഫര് സര്ട്ടിഫിക്കറ്റ് നല്കി. പ്രശ്നത്തില് ഉള്പ്പെട്ടതായി ആരോപിക്കപ്പെടുന്ന എല്ലാ വിദ്യാര്ത്ഥികളെയും കൗണ്സിലിംഗിന് വിധേയമാക്കി. ആരെയും നിര്ബന്ധിച്ച് പുറത്താക്കിയില്ലെന്നും സ്വമേധായ പോകുകയാണെന്നും പ്രിന്സിപ്പല് പറഞ്ഞു.
പ്രായപൂര്ത്തിയാകാത്ത മകളെ നിര്ബന്ധിപ്പിച്ച് മദ്യം കുടിപ്പിച്ചു; അച്ഛന് അറസ്റ്റില്
സയന്സ് വിഭാഗങ്ങളുടെ പ്രവേശന സമയപരിധി അവസാനിച്ചതിനാല് വിദ്യാര്ത്ഥികള് ബുദ്ധിമുട്ടിലാണ്. കൂടാതെ, സയന്സ് വിദ്യാര്ത്ഥികള്ക്ക് നേരിട്ട് സ്വകാര്യ വിദ്യാര്ത്ഥികളായി അപേക്ഷിക്കാനും ബോര്ഡ് പരീക്ഷ എഴുതാനും കഴിയില്ല. പ്രവേശനത്തിനുള്ള അവസാന തീയതി ജൂലൈ 24 ആയിരുന്നു. നിയമമനുസരിച്ച്, പ്രവേശന സമയപരിധി അവസാനിച്ചതിനാല് ഈ വിദ്യാര്ത്ഥികള്ക്ക് മറ്റ് കോളേജുകളിലും പ്രവേശനം ലഭിക്കില്ല. എന്നാല്, പ്രീ-യൂണിവേഴ്സിറ്റി ഡപ്യൂട്ടി ഡയറക്ടറുടെയും പ്രീ-യൂണിവേഴ്സിറ്റി വിദ്യാഭ്യാസ വകുപ്പിന്റെയും പ്രത്യേക അനുമതിയോടെ ഇത് പ്രത്യേക കേസായി പരിഗണിക്കാന് ചട്ടങ്ങളില് ഭേദഗതി വരുത്താം. അതിനുശേഷം, വിദ്യാര്ത്ഥികള്ക്ക് ഇഷ്ടമുള്ള ഏത് കോളേജിലും പ്രവേശനം നേടാമെന്നും മുതിര്ന്ന ഉദ്യോഗസ്ഥന് പറഞ്ഞു.