ഉയര്ന്ന പി.എഫ്. പെന്ഷന് ഉറപ്പാക്കി സുപ്രീംകോടതി; ഓപ്ഷന് നല്കാന് നാലുമാസം അവസരം
ന്യൂഡല്ഹി: എംപ്ലോയീസ് പ്രൊവിഡന്റ് ഫണ്ട് പദ്ധതിയിലുള്ളവര്ക്ക് യഥാര്ഥശമ്പളത്തെ അടിസ്ഥാനമാക്കി ഉയര്ന്ന പെന്ഷന് ലഭിക്കാന് അവസരമൊരുക്കി സുപ്രീംകോടതിയുടെ സുപ്രധാനവിധി. കേന്ദ്രസര്ക്കാരിന്റെ 2014-ലെ എംപ്ലോയീസ് പെന്ഷന് (ഭേദഗതി) പദ്ധതി ശരിവെച്ചുകൊണ്ടുതന്നെ, അതിലെ ചില വ്യവസ്ഥകള് ജീവനക്കാര്ക്ക് അനുകൂലമായി സുപ്രീംകോടതി ഇളവുചെയ്തു. ഭരണഘടനയുടെ 142-ാം വകുപ്പ് പ്രകാരമുള്ള സവിശേഷാധികാരമുപയോഗിച്ചാണ് ചീഫ് ജസ്റ്റിസ് യു.യു. ലളിത് അധ്യക്ഷനായ മൂന്നംഗബെഞ്ചിന്റെ നടപടി. ജസ്റ്റിസ് അനിരുദ്ധ ബോസാണ് മുഖ്യവിധിയെഴുതിയത്. നിര്ദേശങ്ങള് നടപ്പാക്കാന് എട്ടാഴ്ചയ്ക്കകം നടപടികള് സ്വീകരിക്കണം.