മകൻ വെള്ളക്കെട്ടിൽ മുങ്ങിമരിച്ചു; വിവരമറിഞ്ഞ മാതാവ് കുഴഞ്ഞുവീണ് മരിച്ചു

ഒറ്റപ്പാലം (പാലക്കാട്)∙ അമ്പലപ്പാറ തിരുണ്ടിയിൽ യുവാവ് പാറമടയിലെ വെള്ളക്കെട്ടിൽ മുങ്ങിയും വിവരമറിഞ്ഞ മാതാവ് കുഴഞ്ഞു വീണും മരിച്ചു. തിരുണ്ടി കോടങ്ങാട്ടിൽ അനീഷ് ബാബു (38), മാതാവ് ആമിന(58) എന്നിവരാണു മരിച്ചത്. വീടിനോടു ചേർന്നുള്ള പഴയ ക്വാറിയിലെ വെള്ളക്കെട്ടിലാണ് അനീഷ് ബാബുവിനെ മരിച്ച നിലയിൽ കണ്ടെത്തിയത്. മത്സ്യങ്ങളെ വളർത്തുന്ന വെള്ളക്കെട്ടാണിത്. 

മകന്റെ മരണവിവരം അറിഞ്ഞ ആമിന കുഴഞ്ഞു വീഴുകയായിരുന്നു. ഒറ്റപ്പാലം താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹങ്ങൾ താലൂക്ക് ആശുപത്രിയിലെ മോർച്ചറിയിൽ.