മോദിയെക്കുറിച്ചുള്ള ബി.ബി.സി ഡോക്യുമെന്ററി: സാമൂഹികമാധ്യമങ്ങളില് വിലക്കി കേന്ദ്രസര്ക്കാര്.
“ന്യൂഡല്ഹി: ഗുജറാത്ത് കലാപത്തില് അന്നത്തെ മുഖ്യമന്ത്രി നരേന്ദ്രമോദിയുടെ പങ്ക് ആരോപിക്കുന്ന ബി.ബി.സിയുടെ ‘ഇന്ത്യ ദി മോദി ക്വസ്റ്റ്യൻ’ എന്ന ഡോക്യുമെന്ററി തടഞ്ഞ് കേന്ദ്ര സര്ക്കാര്. യൂട്യൂബ്, ട്വിറ്റര് എന്നീ സാമൂഹികമാധ്യമങ്ങള് വഴി ഡോക്യുമെന്ററിയുടെ ലിങ്കുകള് പങ്കുവെയ്ക്കുന്നതാണ് കേന്ദ്രം വിലക്കിയത്.
ഡോക്യുമെന്ററി പുറത്തിറങ്ങിയതിന് പിന്നാലെ ഇതിനെതിരേ വലിയ എതിര്പ്പുകള് കേന്ദ്രസര്ക്കാരിന്റെ ഭാഗത്തുനിന്നുണ്ടായിരുന്നു. കൊളോണിയല് മനോഭാവത്തിന്റെ തുടര്ച്ച പ്രതിഫലിക്കുന്നതാണ് പ്രധാനമന്ത്രിക്കെതിരേയുള്ള ഡോക്യുമെന്ററിയെന്നും ഇത് പ്രത്യേക അജണ്ടയുടെ ഭാഗമാണെന്നും വസ്തുതകള്ക്ക് നിരക്കാത്തതാണെന്നും നേരത്തെ വിദേശകാര്യ മന്ത്രാലയം വ്യക്തമാക്കിയിരുന്നു.
വിശദമായ ഗവേഷണത്തിന് ശേഷമാണ് ഡോക്യുമെന്ററി തയ്യാറാക്കിയതെന്ന് ഇന്ത്യയുടെ വിമര്ശനത്തിന് പിന്നാലെ വിവാദത്തില് ബിബിസി വിശദീകരണം നല്കിയിരുന്നു. ഇതിനുപിന്നാലെയാണ് ഇന്ത്യയില് ഡോക്യുമെന്ററിയുടെ ലിങ്കുകള് പങ്കുവയ്ക്കുന്നതിന് കേന്ദ്രം നിരോധനം ഏര്പ്പെടുത്തിയത്.