വീട്ടില് അതിക്രമിച്ച് കയറി യുവതിയെ കടന്നുപിടിച്ചു; പോലീസുകാരന് അറസ്റ്റില്
കണ്ണൂര്: വീട്ടില് അതിക്രമിച്ച് കയറി യുവതിയെ കടന്നുപിടിച്ച പോലീസുകാരന് കാഞ്ഞങ്ങാട്ട് അറസ്റ്റില്. കണ്ണൂര് ശ്രീകണ്ഠാപുരം സ്വദേശി പി.വി. പ്രദീപനാണ് അറസ്റ്റിലായത്. കണ്ണൂര് എ.ആര്. ക്യാമ്പിലെ സീനിയര് സിവില് പോലീസ് ഓഫീസറാണ് ഇയാള്. കഴിഞ്ഞ ദിവസമാണ് കേസിനാസ്പദമായ സംഭവം. വീട്ടില് അതിക്രമിച്ച് കയറി ഇയാള് കടന്നുപിടിച്ചുവെന്നാണ് യുവതിയുടെ പരാതി. മാനഹാനി ഉള്പ്പെടെയുള്ള വകുപ്പുകള് പ്രകാരമാണ് ഇയാള്ക്കെതിരേ കാഞ്ഞങ്ങാട് പോലീസ് കേസെടുത്തത്. കണ്ണൂര് ജില്ലയിലും സമാനമായ പരാതി ഇയാള്ക്കെതിരേ ഉണ്ട്. വീട്ടില് അതിക്രമിച്ച കയറി സ്ത്രീകളോട് മോശമായി പെരുമാറിയതിന് നേരത്തെ രണ്ടു കേസുകള് ഇയാള്ക്കെതിരേ രജിസ്റ്റര് ചെയ്തിട്ടുണ്ടെന്നാണ് വിവരം