തുര്ക്കിയില് വന് ഭൂകമ്പം; 7.8 തീവ്രത, കെട്ടിടങ്ങള് നിലംപൊത്തി
ഈസ്താംബുള്: തുര്ക്കിയില് ശക്തമായ ഭൂചലനം. റിക്ടര് സ്കെയിലില് 7.8 തീവ്രത രേഖപ്പെടുത്തി. സിറിയയുടെ അതിര്ത്തിയോട് ചേര്ന്നുള്ള തെക്ക്-കിഴക്കന് തുര്ക്കിയിലെ ഗാസിയാന്ടെപ്പിലാണ് പ്രഭവകേന്ദ്രം. പ്രാദേശിക സമയം നാല് മണിയോടെയാണ് ഭൂചലനമുണ്ടായത്. തുര്ക്കിയുടെ തലസ്ഥാനമായ അങ്കാറയിലും സമീപമുള്ള മറ്റ് പ്രധാന നഗരങ്ങളിലും ഭൂകമ്പത്തിന്റെ പ്രകമ്പനമുണ്ടായി. നിരവധി കെട്ടിടങ്ങള് നിലംപൊത്തി. ധാരാളം പേര് ഇതിനുള്ളില് കുടുങ്ങിക്കിടക്കുന്നതായും റിപ്പോര്ട്ടുകളുണ്ട്. ഇതുവരെ അഞ്ച് പേരുടെ മരണം സ്ഥിരീകരിച്ചതായി അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു.