ഭീം ആര്മി നേതാവ് ചന്ദ്രശേഖര് ആസാദിന്റെ വാഹനവ്യൂഹത്തിനുനേരെ വെടിവെപ്പ്; ആസാദിന് പരിക്കേറ്റു
ലഖ്നൗ (യു.പി): ഭീം ആര്മി നേതാവ് ചന്ദ്രശേഖര് ആസാദിന്റെ വാഹന വ്യൂഹത്തിനുനേരെ വെടിവെപ്പ്. ഉത്തര് പ്രദേശിലെ ദേവ്ബന്ദില് ബുധനാഴ്ച വൈകീട്ടാണ് സംഭവം. ആസാദിനെ സഹരണ്പുരിലെ സര്ക്കാര് ആശുപത്രിയില് പ്രവേശിപ്പിച്ചു. പരിക്ക് നിസാരമാണെന്നാണ് വിവരം. ബൈക്കിലും കാറിലുമെത്തിയ ആയുധധാരികളായ സംഘമാണ് അദ്ദേഹത്തിനുനേരെ വെടിവച്ചതെന്നാണ് പ്രാഥമിക വിവരം. കാറിന്റെ മുന്വശത്തെ ഡോറിലും അദ്ദേഹത്തിന്റെ സീറ്റിന്റെ വശത്തും വെടിയുണ്ട തുളച്ച് കയറിയ പാടുകളുണ്ട്. വാഹനത്തിന്റെ മുന്വശത്തായിരുന്നു ആസാദ് ഇരുന്നിരുന്നത്. സംഭവത്തില് അന്വേഷണം ആരംഭിച്ചതായി പോലീസ് പറഞ്ഞു.