കേരളത്തിലേക്ക് പ്രത്യേക വിമാന സര്വീസെന്ന ആവശ്യം പരിഗണനയിലെന്ന് കേന്ദ്രം
ന്യൂഡല്ഹി : ഓണക്കാലത്തെ യാത്രാദുരിതം പരിഹരിക്കാന് ് പ്രത്യേക വിമാന സര്വീസ് വേണമെന്ന കേരളത്തിന്റെ ആവശ്യം പരിഗണനയിലെന്ന് കേന്ദ്രസര്ക്കാര്.
കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യയാണ് മുഖ്യമന്ത്രി പിണറായി വിജയന്റെ കത്തിന് മറുപടിയായി ഇക്കാര്യം അറിയിച്ചത്.
കേരളത്തിലേക്കുള്ള വിമാന നിരക്കുകള് കുതിച്ചുയരുന്ന സാഹചര്യത്തില് അടിയന്തര ഇടപെടല് ആവശ്യപ്പെട്ട് മുഖ്യമന്ത്രി പിണറായി വിജയന് കേന്ദ്ര വ്യോമയാന മന്ത്രിക്ക് രണ്ടാഴ്ച മുമ്ബ് കത്തയച്ചിരുന്നു. ഓണം സീസണ് പ്രവാസികള് ധാരാളമായി കേരളത്തിലേക്കു വരുന്ന സമയമാണ്. നാട്ടിലെത്താനാഗ്രഹിക്കുന്ന പ്രവാസികള്ക്കും മറ്റ് സംസ്ഥാനങ്ങളിലുള്ള മലയാളികള്ക്കും കനത്ത തിരിച്ചടിയാണ് നിരക്ക് വര്ധനയെന്ന് കേരളം അറിയിച്ചിരുന്നു. ഈ വിഷയത്തില് അടിയന്തരമായി ഇടപെടണമെന്ന് മുഖ്യമന്ത്രി കത്തില് ആവശ്യപ്പെട്ടു. ആവശ്യമെങ്കില് ആഗസ്റ്റ് 15 മുതല് സെപ്തംബര് 15 വരെയുള്ള ഒരു മാസം യുഎഇയില്നിന്നു പ്രത്യേക ചാര്ട്ടേഡ് വിമാനം ഏര്പ്പെടുത്തണമെന്നും മുഖ്യമന്ത്രി വ്യോമയാന മന്ത്രിയോട് അഭ്യര്ഥിച്ചിരുന്നു.