ഹൈദരാബാദിൽ വീടുകൾക്ക് മുകളിലേക്ക് മതിൽ ഇടിഞ്ഞുവീണ് ഒൻപതു മരണം
ഹൈദരാബാദില് വീടുകള്ക്ക് മുകളിലേക്ക് മതില് ഇടിഞ്ഞുവീണ് ഒമ്ബതു മരണം.കനത്ത മഴയെ തുടര്ന്ന് വീടുകള്ക്ക് മുകളിലേക്ക് മതില് ഇടിഞ്ഞുവീണ് ഒമ്ബതു മരണം. മരിച്ചവരില് രണ്ടുമാസം പ്രായമായ കുഞ്ഞും ഉള്പ്പെടും. നിരവധിപേര്ക്ക് പരിക്കേല്കുകയും ചെയ്തു.
ഹൈദരാബാദിലെ മുഹമ്മദ് നഗറിലെ മുഹമ്മദീയ ഹില്സില് ശനിയാഴ്ച അര്ധരാത്രിയിലാണ് സംഭവം. തകര ഷീറ്റുകൊണ്ട് മേഞ്ഞ പത്തോളം വീടുകള്ക്ക് മുകളിലേക്ക് കൂറ്റന് പാറക്കല്ലുകള് കൊണ്ട് നിര്മിച്ച ചുറ്റുമതില് തകര്ന്നുവീഴുകയായിരുന്നു. നിരവധിപേര് കുടുങ്ങി കിടക്കുന്നതായാണ് വിവരം. പ്രദേശിക ഭരണകൂടത്തിന്റെ നേതൃത്വത്തില് പൊലീസ് സ്ഥലത്തെത്തി രക്ഷാപ്രവര്ത്തനം ആരംഭിച്ചു.