ശക്തമായ മഴയ്ക്ക് സാധ്യത; സംസ്ഥാനത്തെ അഞ്ച് ജില്ലകളില് മഞ്ഞ അലര്ട്ട്
തിരുവനന്തപുരം: സംസ്ഥാനത്ത് വ്യാഴം, വെള്ളി ദിവസങ്ങളില് ഒറ്റപ്പെട്ടയിടങ്ങളില് ഇടിമിന്നലോടുകൂടിയ ശക്തമായ മഴയ്ക്കു സാധ്യതയെന്ന് കേന്ദ്ര കാലാവസ്ഥാ റിപ്പോര്ട്ട്. വ്യാഴാഴ്ച അഞ്ച് ജില്ലകളില് മഞ്ഞ അലെര്ട്ട് പ്രഖ്യാപിച്ചു. ഇടുക്കി, പാലക്കാട്, കോഴിക്കോട്, കണ്ണൂര്, കാസര്കോട് ജില്ലകളിലാണ് മഞ്ഞ അലെര്ട്ടുള്ളത്. അടുത്ത അഞ്ചുദിവസത്തേക്ക് മിതമായ തോതില് മഴ പെയ്യുമെന്ന മുന്നറിയിപ്പുമുണ്ട്. മണിക്കൂറില് 30 മുതല് 40 കിലോമീറ്റര് വരെ വേഗത്തില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ വകുപ്പ് അറിയിക്കുന്നു. ഇടിമിന്നല് ജാഗ്രതയുള്ളതിനാല് സുരക്ഷിത സ്ഥലങ്ങളിലേക്ക് മാറണമെന്ന് നിര്ദേശമുണ്ട്.