യുദ്ധത്തിന് ആഹ്വാനം ചെയ്ത് ചൈനീസ് പ്രസിഡന്റ് ; ആശങ്കയിൽ ലോകരാജ്യങ്ങൾ
യുദ്ധത്തിന് ഒരുങ്ങാന് ചൈനീസ് സൈനികര്ക്ക് പ്രസിഡന്റ് ഷി ജിന്പിംഗിന്റെ ആഹ്വാനം. ചൈനയിലെ ഗുവാങ്ഡോങിലെ സൈനിക താവളത്തില് സന്ദര്ശനം നടത്തവെയാണ് പ്രസിഡന്റ് ഈ ആഹ്വാനം നടത്തിയതെന്നാണ് ചൈനീസ് മാധ്യമങ്ങള് റിപ്പോര്ട്ടു ചെയ്യുന്നത്. ചാവോ സിറ്റിയിലെ പീപ്പിള്സ് ലിബറേഷന് ആര്മി മറൈന് കോര്പ്സിന്റെ പരിശോധനക്കിടെ, അദ്ദേഹം സൈനികരോട് അതീവ ജാഗ്രത പാലിക്കാന് ആവശ്യപ്പെട്ടതായും റിപ്പോര്ട്ടുകളുണ്ട്. വിശ്വസ്തരും ശുദ്ധരും കൂറുള്ളവരുമാകുക എന്നും അദ്ദേഹം പറഞ്ഞതായാണ് റിപ്പോര്ട്ട്.
സൈനികര് രാജ്യത്തോട് തികച്ചും വിശ്വസ്തത പുലര്ത്തണം. രാജ്യത്തിന്റെ എല്ലാ സൈനികരും അവരുടെ മനസും ശക്തിയും ഓരോ നിമിഷവും യുദ്ധത്തിനായി തയ്യാറാക്കി വെക്കണം. അതീവജാഗ്രത പാലിക്കണം – എന്നെല്ലാം ഷി ജിന്പിംഗ് സൈനികരോട് പറഞ്ഞതായാണ് വാര്ത്തകള്.