സോഷ്യൽ മീഡിയയിൽ അപകീർത്തി പരാമർശം ; പോലീസ് ആക്ട് ഭേദഗതി ചെയ്യുമെന്ന് മുഖ്യമന്ത്രി
സംസ്ഥാനത്ത് സോഷ്യല് മീഡിയ ഉപയോഗിച്ച് വ്യക്തികള്ക്കെതിരെ അപകീര്ത്തിപരമായ പരാമര്ശങ്ങള് നടത്തുന്നവര്ക്കെതിരെ നടപടി എടുക്കാന് പോലീസ് ആക്ട് ഭേദഗതി ചെയ്യുമെന്ന് മുഖ്യമന്ത്രി പിണറായി വിജയന്. അപകീര്ത്തിപരമായ പരാമര്ശങ്ങള് നടത്തുന്നവര്ക്കെതിരെ കൃത്യമായ ശിക്ഷ ഉറപ്പുവരുത്തുക സര്ക്കാരിന്റെ ഉത്തരവാദിത്തമാണെന്നും അദ്ദേഹം പറഞ്ഞു.
പോലീസ് ആക്ട് ഭേദഗതി ചെയ്യുന്നതോടെ സൈബര് കേസുകളില് നടപടി എടുക്കാനുളള പരിമിതി നീങ്ങുമെന്നും സംസ്ഥാനത്തെ പുതിയ സൈബര് ക്രൈം പോലീസ് സ്റ്റേഷനുകള് ഉദ്ഘാടനം ചെയ്ത് സംസാരിക്കവേ അദ്ദേഹം പറഞ്ഞു . പോലീസ് രൂപീകരണ ദിനത്തോടനുബന്ധിച്ച് ഓണ്ലൈനായി ഇന്ന് നടന്ന പരിപാടിയില് മുഖ്യമന്ത്രി സേനാംഗങ്ങളുടെ അഭിവാദ്യവും സ്വീകരിച്ചു