ശമ്ബള പരിഷ്കരണം: ഡോക്ടര്മാര് പ്രതിഷേധത്തിലേക്ക്; സെക്രട്ടറിയേറ്റ് പടിക്കല് റിലേ നില്പ്പ് സമരം ഇന്ന് മുതല്
തിരുവനന്തപുരം: ശമ്ബള പരിഷ്കരണത്തിലെ പ്രശ്നങ്ങള് പരിഹരിക്കാത്തതില് പ്രതിഷേധിച്ച് സര്ക്കാര് ഡോക്ടര്മാര് ഇന്ന് മുതല് സമരത്തിലേക്ക്. സെക്രട്ടറിയേറ്റ് പടിക്കല് റിലേ നില്പ്പ് സമരത്തിന് ഇന്ന് ആരംഭം. വിവിധ ജില്ലകളിലെ പ്രാഥമികാരോഗ്യ കേന്ദ്രം മുതല് ഡിഎംഒ – ഡിഎച്ച്എസ് ഓഫീസ് വരെയുള്ള സ്ഥാപനങ്ങളിലെ ഡോക്ടര്മാര് ഈ സമരത്തില് ഭാഗമാകും.
രോഗീപരിചരണം മുടങ്ങാതെ ആഴ്ച്ചകളായി തുടരുന്ന ഡോക്ടര്മാരുടെ പ്രതിഷേധം സര്ക്കാര് അവഗണിക്കുകയാണെന്ന് കെജിഎംഒഎ ആരോപിച്ചു. അവഗണന തുടര്ന്നാല് നവംബര് 16ന് കൂട്ട അവധി എടുത്ത് പ്രതിഷേധിക്കുമെന്ന് കെജിഎംഒഎ മുന്നറിയിപ്പ് നല്കി.
ശമ്ബളവും ആനുകൂല്യങ്ങളും വെട്ടിക്കുറച്ചതിനെതിരെ ഒക്ടോബര് നാല് മുതല് സര്ക്കാര് ഡോക്ടര്മാര് നിസഹകരണ പ്രതിഷേധത്തിലാണ്. രോഗീപരിചരണം മുടങ്ങാതെ ഇ-സഞ്ജീവനി, അവലോകന യോഗങ്ങള്, പരിശീലന പരിപാടികള്, വിഐപി ഡ്യൂട്ടികള് എന്നിവ ബഹിഷ്കരിച്ചാണ് സമരം. ഗാന്ധിജയന്തി ദിനത്തില് സെക്രട്ടറിയേറ്റ് പടിക്കല് നിരാഹാര സമരവും നടത്തി.ഈ സമരങ്ങളെല്ലാം കണ്ടിട്ടും ഡോക്ടര്മാരുടെ പ്രതിനിധികളുമായി സര്ക്കാര് ചര്ച്ചയ്ക്ക് തയ്യാറായിട്ടില്ലെന്ന് ഇവര് ആരോപിക്കുന്നു.
കൊവിഡ് കാലത്ത് ഡോക്ടര്മാര്ക്ക് ന്യായമായും ലഭിക്കേണ്ട റിസ്ക് അലവന്സ് നല്കിയില്ലയെന്ന് മാത്രമല്ല, ശമ്ബള പരിഷ്കരണം വന്നപ്പോള് ഡോക്ടര്മാരുടെ ശമ്ബളത്തില് ആനുപാതിക വര്ദ്ധനവിന് പകരം ലഭ്യമായിക്കൊണ്ടിരുന്ന പല അലവന്സുകളും, ആനുകൂല്യങ്ങളും നിഷേധിക്കുന്ന രീതിയാണ് സര്ക്കാര് സ്വീകരിച്ചതെന്നും കെജിഎംഒഎ കുറ്റപ്പെടുത്തുന്നു.