സംസ്ഥാനത്ത് 95 ദുരിതാശ്വാസ ക്യാമ്പുകള് തുറന്നു, 2219 പേരെ മാറ്റിപ്പാർപ്പിച്ചു; അതിജാഗ്രതാ നിർദേശം
തിരുവനന്തപുരം: മഴക്കെടുതി രൂക്ഷമായതിനെത്തുടര്ന്നു സംസ്ഥാനത്ത് ഇതുവരെ 95 ദുരിതാശ്വാസ ക്യാമ്പുകള് തുറന്നു. 2291 പേരെ ഇവിടങ്ങളിലേക്കു മാറ്റിപ്പാര്പ്പിച്ചു. തിരുവനന്തപുരം ജില്ലയില് രണ്ടു ക്യാമ്പുകളിലായി 30 പേരെയും പത്തനംതിട്ടയില് 25 ക്യാമ്പുകളിലായി 391 പേരെയും ആലപ്പുഴയില് അഞ്ചു ക്യാമ്പുകളിലായി 58 പേരെയും മാറ്റിപ്പാര്പ്പിച്ചു. കോട്ടയത്താണ് സംസ്ഥാനത്ത് ഏറ്റവും കൂടുതല് ദുരിതാശ്വാസ ക്യാമ്പുകള് തുറന്നത്. 21 ക്യാമ്പുകളിലായി 447 പേരെ ഇവിടെ മാറ്റിപ്പാര്പ്പിച്ചു.