പിസി ജോര്ജിനെ പാര്ട്ടിയില് നിന്നും പുറത്താക്കിയതായി കേരള ജനപക്ഷം
തിരുവനന്തപുരം: പിസി ജോര്ജിനെ പാര്ട്ടിയില് നിന്നും പുറത്താക്കിയെന്ന് കേരള ജനപക്ഷം(സെക്കുലര്) വര്ക്കിംഗ് ചെയര്മാന് എസ് ഭാസ്കരപിള്ള.നിയമസഭാ തെരഞ്ഞെടുപ്പില് യുഡിഎഫിന് പിന്തുണ നല്കുമെന്നും അദ്ദേഹം വ്യക്തമാക്കിയിട്ടുണ്ട്. വാര്ത്താ സമ്മേളനത്തിലാണ് പിസി ജോര്ജിനെ പാര്ട്ടിയില്നിന്നും പുറത്താക്കിയ കാര്യം പ്രഖ്യാപിച്ചത്.
ജനപക്ഷം സ്ഥാനാര്ത്ഥിയായാണ് പിസി ജോര്ജ് വരുന്ന നിയമസഭാ തിരഞ്ഞെടുപ്പില് മത്സരിക്കുന്നത്. പ്രചാരണം അവസാന ഘട്ടത്തിലേക്ക് കടന്നിരിക്കവെയാണ് പാര്ട്ടിയില്നിന്നും പിസി ജോര്ജിനെ പുറത്താക്കിയിരിക്കുന്നത്. ഭാസ്കരപിള്ളയാണ് ജനപക്ഷത്തിന്റെ പുതിയ ചെയര്മാന്.
വൈസ് ചെയര്മാന് റെജി കെ ചെറിയാന്, ജനറല് സെക്രട്ടറി ജയന് മമ്ബുറം തുടങ്ങിയവര് വാര്ത്താ സമ്മേളനത്തില് പങ്കെടുത്തു.
മാര്ച്ച് ഏഴിന് പി.സി. ജോര്ജിെന്റ നേതൃത്വത്തിലുള്ള കേരള ജനപക്ഷം പിളര്ന്നിരുന്നു. പാര്ട്ടി ചെയര്മാന് ഇ.കെ. ഹസന്കുട്ടിയെയും മറ്റ് ഭാരവാഹികളെയും നീക്കിയാണ് പിളര്ന്ന വിഭാഗം പുതിയ കമ്മിറ്റി രൂപവത്കരിച്ചത്. ദലിത്, ഇൗഴവ, ന്യൂനപക്ഷ വിഭാഗങ്ങളെ നിരന്തരം വേദനിപ്പിക്കുന്ന പ്രസ്താവനകള് നടത്തുകയും നിലപാടില്ലാത്ത രാഷ്ട്രീയം കളിക്കുകയും ചെയ്യുന്ന പി.സി. ജോര്ജിെന്റ നിലപാടില് പ്രതിഷേധിച്ചാണ് പുതിയ കമ്മിറ്റിയുണ്ടാക്കിയത്.