ദേഹത്തേക്ക് ചാടിവീണ് പുലി, വാക്കത്തി കൊണ്ട് വെട്ടിക്കൊന്ന് യുവാവ്; സംഭവം ഇടുക്കിയില്
ഇടുക്കി: മാങ്കുളത്ത് ആക്രമിക്കാന് ശ്രമിച്ച പുലിയെ യുവാവ് വെട്ടിക്കൊന്നു. പ്രദേശവാസിയായ ഗോപാലന് എന്നയാളാണ് തന്നെ ആക്രമിച്ച പുലിയെ തിരികെ ആക്രമിച്ച് രക്ഷപ്പെട്ടത്. പരിക്കേറ്റ ഗോപാലനെ ആശുപത്രിയില് പ്രവേശിപ്പിച്ചു. തലയില് വെട്ടേറ്റ പുലി തല്ക്ഷണം ചത്തു.
ശനിയാഴ്ച രാവിലെ ഗോപാലന് വീടിന് സമീപത്തെ പറമ്പിലേക്ക് പോവുന്നതിനിടെയാണ് പുലി ആക്രമിക്കാന് ശ്രമിച്ചത്. വഴിയില് കിടക്കുകയായിരുന്ന പുലി തന്റെ ദേഹത്തേക്ക് ചാടി വീണ് കടിക്കുകയായിരുന്നെന്ന് ഗോപാലന് പറഞ്ഞു. ഇതോടെ പ്രാണരക്ഷാര്ഥം കൈയിലുണ്ടായിരുന്ന വെട്ടുകത്തി ഉപയോഗിച്ച് പുലിയെ വെട്ടുകയായിരുന്നു.